MAKADAWAT ang mga Kapitan sa coastal barangay sa Distrito 2, siyudad sa Cagayan de Oro, og mga bangka alang sa ilang panginabuhian gikan sa Bureau of Fisheries and Aquatic Resources.
Anaa sa 90 ka mga pumpboat o mga bangka ang madawatan sa mga kapitan sa Barangay Puntod, Lapasan, Gusa, Tablon, Cugman, Agusan, Puerto, ug Bugo alang sa mga mananagat.
Sa pakighinabi kang Kagawad Yan Lam Alam Lim, Association of Barangay Councils president gibutyag niini nga mapasalamaton siya kang Presidente Rodrigo Duterte ug Secretary Emmanuel ‘Manny’ Pinol sa maong ayuda nga gihatag sa siyudad.
“Pasalamat ta ni Secretary Piñol ug ni Presidente Duterte kay gitagaan ta dinhi sa distrito 2 og 50 ka baka ug 90 ka pumpboat, sa livelihood para sa fisher folks, special ni nato gipangayo, tungod sa gihatag ni sa Distrito 2 pasalamat kaayo ta kay gitagaan tag ayuda,” matud ni Lim.
Gibutyag usab ni BFAR-Northern Mindanao Regional Director Teodoro Bacolod Jr., nga siguraduhon sa ilang buhatan nga ang mahatagan niining maong mga bangka mao gayud ang mga rehistradong mga mananagat aron usab ilang mapahimuslan ug magamit sa husto.
Mga anaa sa napulo ang i-apod apod sa matag coastal barangay kini usab atol sa pagbisita niini sa siyudad niadtong Lunes, Pebrero 18.