MIULBO ang kasamok atol sa practice game tali sa Columbian Dyip ug NorthPort Batang Pier kagahapon sa Green Meadows gym.
Basi sa taho sa Spin.ph, daw nag-wrestling sila si Batang Pier guard Stanley Pringle ug Dyip big man Jay-R Reyes human sila nag-ilog sa rebound sa nahabiling kapin sa pito ka mga minutos sa 4th quarter. Niadtong mga gutloa, naglabaw ang Batang Pier, 87-64.
Human nauwang sila si Pringle ug Reyes, kalit lang misulod sa esena ang sentro sa Batang Pier nga Mo Tautuaa dayong sukmag kang Reyes hinungdan miulbo pagbalik ang kasamok.
Nagkadugo ang ilong ni Reyes ug dali kining gihatod sa ospital. Wala na gipadayon ang duwa human sa kasamok. (ESL)