SUGDAN karong Pebrero 24 ang 2019 Cebu Executives and Professionals Chess Association (Cepca) Monthly Tournament sa The Barracks sa Robinsons Galleria Cebu.
Ning higayuna, dungan nga kuhaon ang mga representante sa buwan sa Enero ug Pebrero alang sa Grand Finals nga ipahigayon karong Disyembre.
Ang mopatigbabaw sa torneyo mao ang morepresentar sa Enero samtang ang 2nd placer mao ang representante sa Pebrero.
Ang mokampiyon makadawat og P1,500, ang 2nd placer adunay P1,000, makaluklok og P700 ang 3rd placer, P500 sa 4th placer samtang P300 sa 5th placer. (ESL)