Dear Papa Joe,
Tawga ko sa ngalan nga Fix. Akong problema mahitungod sa among silingan nga minyo na pero na-attract kaayo ko. Grabe ang akong attraction niya kay kon makakita ko, ma turn on ko. Maglain gyud ang akong lawas magtan-aw ko niya. Ambot unsay naa niya.
Moangkon ko dunay mga higayon nga ako siyang busuhon kay grabe ang akong gana nga magtan-aw niya. Wa siya makahibawo nga dunay time mag-imagine ko niya. Nahadlok ko nga di na ko makapugong sa akong gibati niya unya lami ra ba kaayo siya og smile diri nako mao nisamot akong gana niya.
Papa Joe, unsa kaha ning akong gibati ngadto niya? Nganong ingon ani man ang akong bation everytime nga makakita ko niya? Maora ko og kanang di kapugong sa akong self. Mag-alindasay ko nga maghuna-huna niya.
FIX
Dear Fix,
Maayong adlaw. Di malikayan nga dunay mga babaye nga atoang I-admire apan dunay limitation sama niya nga minyo na unya inyo pang sulingan. Immaterial na kon nakagusto ba siya nimo o wa kay bisan unsaon pa nimo, minyo na siya.
Ayaw lang sab kaayo pagdahom nga giganahan siya nimo mao nga ni smile siya kada sugat ninyo. Basin ingon ana ang iyang character tungod kay silingan mo ug nakaila siya nimo. Ibutang tang ganahan siya nimo, pero di na mahimo kay minyo na siya. Nagdahom lang tingali ka kay grabe sab ang imong like ngadto niya.
Pagbantay kay basin mahibaw-an sa bana ang imong gibuhat, duna unyay dautang mahitabo nimo. Basin masukmagan ka or ikiha kon masakpan kang namuso. Busa, ayaw kaayo pagpalabi o pagpadala sa imong gibati kay basin mosangko sa di maayong hitabo. Maproblema ka na hinuon.
Hain kahay mas maayo nga manguyab ka aron mabalhin ang imong attention sa lain. Mabugnaw ra lagi na ang imong gana sa inyong silingan. Di maayo nga imong I apply sa sayop nga paagi ang giingon nga love thy neighbor.
PAPA JOE
(sa inyong tampo ipadala sa papajoesuperb@gmail.com)