NIHAKOT ang Association for the Advancement of Karatedo (AAK) Fairlanes og 13 ka bulawang medalya, unom ka plata, ug tulo ka bronse aron nga mosanag sa 1st Karate Pilipinas Region 11 championships gihimo niadtong Dominggo sa Gaisano City Gate.
Ang AAK Dojo nahiluna sa ikaduhang puwesto uban sa pito ka mga bulawan ug duha ka plata gisundan sa AAK University of the Immaculate Conception (UIC) uban sa lima ka bulawan, upat ka plata ug usa ka bronse.
Nakakuha sab ang University of Mindanao (UM) Davao og tulo ka bulawan ug duha ka plata.
Ang bulawan sa AAK Fairlanes nagagikan kanila ni Chrieann Arellano (girls 12-13 intermediate kata girls, girls 12-13 kumite), Robert Lawrence Avanceña (boys 12-13 intermediate kata, boys 12-13 kumite), Stephen James Cartagena (boys 14-15 intermediate kata), Janna Alexandra Ramirez (girls 16-17 intermediate kata, girls 16-17 47 kgs), Ian Carlos Pascual (boys 16-17 intermediate kata), Jamaica Quiben (girls 16-17 advance kata, girls 16-17 -53kgs), Sofia Agullo (senior female kata advance, senior female -50 kg), Julian Ambrose Ramirez (seniors male kata advance) ug Gabriel Quiñones (seniors male -67 kgs kumite).
Samtang si Atsuko Kaiyel Tan naguna sa paghakot og medalya alang sa AAK Dojo. Nihari siya sa girls 8-9 intermediate kata girls ug girls 8-9 kumite.
Sa UM Tagum, ang Renshinkan Karate Club, Shorin chi, Inawayan Karate Club ug Shutokai Mati Karatedo Team nisalmot sab sa maong torneyo.
Ang unang tulo ka mga tim, sumala ni Karate Pilipinas regional director Rommel Tan, moabante ngadto sa national finals gitakda sa Mayo.
Matud ni Tan nga ang “officiating team” gikan sa Manila gipangulohan ni Bernard Alvarina ug Ricky Elinon, pulos Asian Federation licensed judges/referees.