NIBISITA sa buhatan ni Police Regional Office (PRO) 7 Director Debold Sinas si San Fernando Mayor Lakambini “Neneth” Reluya nga ni-survive sa ambush.
Usa sa iyang mga tuyo mao ang pagsusi kon unsa nay dagan sa imbestigasyon sa Special Investigation Task Group sa ilang kaso. Gitug-anan siya ni Sinas nga niadtong Pebrero 15 napasaka na ang kasong multiple murder batok nilang Jerome Labitad ug Felix Abacajan Jr.
Gipakitaan usab ang mayor sa ilang mga nakuhang ebedensya ug giingong natagbaw ra.
Apan nihangyo siya kang Sinas nga di lang ang pagpasakag kaso sa mga gunman kon di palawman pa ang imbestigasyon ug dakpon usab ang mastermind.
“Ang iyahang rang request is to go further, ipadayon ang investigation ug dili kalimutan, ang iyang koan gusto mag dig deeper pa mi para makuha pa gyud tong motive sa nahitabo sa iyaha. And she’s very cooperative,” matod ni Sinas. (AYB)