GIPASIGARBO ni Kapitan Niña Mabatid sa una niyang 100 ka adlaw sa pagdumala sa Barangay Mabolo ang paspas card ug cooperative super market nga nihatag og benepisyo sa labing menos 40,000 ka mga residente.
Ang mga proyekto nga nagtunol sa batakang serbisyo iyang palapdan kon siya mapiling konsehal sa amihanang distrito sa dakbayan sa Sugbo.
Iyang gipahibawo nga naglakip sa Paspas Card o benefit card mao ang libreng kasal, hospitalization, burial assistance, abogado, free medicine, placement fee kon mo-abroad, barangay clearance, libreng gamit sa sound system ug ubang kahimanan sa barangay.
Gibuboan usab og igo nga puhonan ni Mabatid ang Super Market Cooperative diin automatic nga miyembro ang mga residente sa Mabolo.
Di na kinahanglan nga mangompra sa supermarket sanglit ubos og di momenos P3 ang presyo sa ilang baligya.
Gipahibawo sa kapitan nga nipalit siya og tulo ka six-wheeler garbage truck human sila gikuhaan og basic services sa Cebu City Hall ubos sa mando ni Mayor Tomas Osmeña. (PAC)