Negosyante gibanhigan sa Mandaue City

Ang SUV sa negosyante nga si John Pearl Natividad Dinopo diin gisuwayan og ambush sa riding in tandem sa Mandaue. (Hulagway ni Greg C. Magdadaro)
Ang SUV sa negosyante nga si John Pearl Natividad Dinopo diin gisuwayan og ambush sa riding in tandem sa Mandaue. (Hulagway ni Greg C. Magdadaro)

USA ka negosyante ang swerte human nga nakalingkawas sa nahitabo nga pagpamanhig sa may G. Ouano Corner Plaridel St., Barangay Alang-Alang, dakbayan sa Mandaue, pasado alas 7, Miyerkules, Pebrero 20.

Ang biktima giila nga si John Pearlnel Dinoro, 48 anyos, taga barangay Alang-Alang, siyudad sa Mandaue.

Matud ni Chief Insp. Mercy Villaro, tigpamaba sa Mandaue City Police Office, gikan naghatud sa iyang asawa ngadto sa Mactan-Cebu International Airport diin kini nagtrabaho.

Sa pagbalik niini sa ilang panimay aron usab sa pagkuha ug paghatud sa iyang anak ngadto sa tunghaan, kalit kini nga gipusil sa atubangan nga bahin sa sakyanan dayon sa driver's side.

Giingon nga gitagbo siya sa mga suspetsado nga naka-motorsiklo ang duha ka mga lalaki nga parehong naka-bonnet apan way helmet ang nag-drive ug angkas niini.

Ang ni-angkas ang nipusil kang Dinoro. Ang biktima nga nakaamgo nga siya gyud ang tuyo, ang nipakusog sa iyang pagpadagan sa sakyanan punterya niya ang pinakaduol nga police station.

Ug pinakaduol nga iyang nahuna-hunaan ang headquarter sa MCPO. Gibana-bana sa kapulisan nga moabot sa 400 ngadto sa 500 metros ang gilay-on gikan sa nahitabuan padung sa MCPO.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph