IPAUBOS sa stress debriefing ang duha ka mga sundalo ug mga Cafgu nga gikan gidagit ug karon gibuhian na didto sa Bayugan, Agusan del Sur.
Ang nahibiling walo ka mga gipangbuhian giilang mga miyembro sa Citizen Armed Force Geographical Unit (Cafgu) nga mao sila si Private First Class Darlino Carino Jr., Corporal Eric Manangan, Active Auxiliary (CAA) Abel Iligan, CAA James Iligan, CAA Gabriel Iligan, CAA Rolando Quiao, CAA Jan-Jan Iligan, ug CAA Jemuel Acibido.
Gikumpirma kini ni Joaquin Jacinto, ang tigpamaba sa National Democratic Front of the Philippines, kung diin ang pagbuhi kanila pagpakita nga seryoso sila sa hisgotanang pangkalinaw.
Niadtong Valentine's Day, unom ka mga Cafgu na ang gibuhian una.
Gibutyag ni Captain Reggie Go, kinsa tigpamaba sa 4th Infantry Division, nga awtomatiko silang dalahon sa Camp Evangelista sa Patag, siyudad sa Cagayan de Oro, aron ipaubos og stress debriefing ug physical ug psychological treatment.
Samtang sa hisgotanan kung makabalik paba sila sa ilang trabaho, kinahanglan pa kining sutaton sa Board of Inquiries aron tukion kung unsa gyod ang panghitabo o aduna ba silay mga kalapasan ug kung unsay resulta niini mao kini ang ilang ipagawas.
Kahinudmuman, 14 ka Cafgu ug duha ka sundalo ang gisulong ang patrol base sa walhong grupo, hinungdan sa ilang pagkadagit niadtong Disyembre 2018 sa may New Tubigon Agusan del Sur.