MOBIYA sa katungdanan si Mayor Oscar Moreno kung ugaling mamahimong bise mayor si Vicente Emano gumikan kay susama nga wala gihapon kini mahimo diha sa pagpangatungdaan tungod kay babagan lamang kini.
Matud ni Moreno nga nakita na kaniadto sa iyang unang termino nga gilisod-lisod kini ug bisan gamay nga suporta wala niini matagamtami.
“Nakita man nato ang nahitabo sa una nakong term. Grabe kaayo nga paglisod-lisod nga gibuhat kanako no, walay authority nga gihatag, walay’ suporta nga gihatag, puro babag,” matud ni Moreno.
Gidugang pa niini nga mobiya kini sa iyang pangatungdanan gumikan kay magsinamok lang matud kini diha sa iyang pagdumala sa siyudad.
“Of course, magsinamok lang gihapon siya ngano pa? Na kung si Dongkoy (Emano) makadaug mao gihapon na iyang agenda mahadlok man na nga mo-perform ako. Iyang agenda para ra man sa iyang grupo. Iyang anak siguro etcetera, ayaw na, ayaw na atong e sustain ang momentum,” matud ni Moreno.
Gidugang pa niini nga maayo ang pagtinabangay niini ug sa kasamtangang bise mayor ug gikinahanglan kaayo diha sa pag-alagad sa katawhan sa siyudad.
“Maayo kaayo ang pagtinabangay nato ni Vice Kikang. I need him, I need him,” dugang ni Moreno.
Nasayran nga kasamtangang nagpapili karon sa pagka-bise mayor ang kanhi mayor sa siyudad nga si Emano diin taod-taod na usab nga kaatbang ni Moreno sa politika.