Anak ni Pacquiao di na paboksingon

GITAMBAGAN ni Manny Pacquiao ang iyang kamaguwangan nga anak nga si Emmanuel Jr. nga dili na magboksing.

Dili pa lang dugay, nag-training si Emmanuel Jr. ug misagubang kini’g amateur style nga away apan ang maong panghitabo nakapatulo sa luha sa asawa ni Pacquiao nga si Jinky.

Sa interbyu sa ABS-CBN, nagkanayon si Pacquiao nga nagkasinabot sila ni Jinky nga wagtangon ang tanang mga ekipo sa boksing lakip na ang gloves sa sulod sa ilang panimalay.

Giangkon ni Pacquiao nga hasta siya, nasakitan nga nagsud-ong sa iyang anak nga miaway.

Gipasabot ni Pacquiao nga nasayod siya kon unsa kalisod ang mahimong usa ka boksidor ug naahat lang siya pagsulod ning maong natad sa paugnat sa kusog kaniadto tungod sa kawad-on. (ESL)

Related Stories

No stories found.
SunStar Publishing Inc.
www.sunstar.com.ph