SECTIONS
Friday, August 23, 2019
SUPERBALITA CEBU

Manny andam makig-away bisa’g kinsa

Bisa’g kinsa. Daw dili na mohuwat si Manny Pacquiao nga motando si Floyd Mayweather nga makig-away kaniya’g balik ug andam na kining makigharong bisa’g kinsa nga boksidor alang sa sunod niyang tahas. (Rappler.com)

NING puntoha nga hanap pa sa diyes panas nga mahitabo ang ilang rematch ni American Floyd Mayweather Jr., gipadayag ni World Boxing Association (WBA) welterweight champion Manny Pacquiao nga andam siyang makig-away bisan kinsa’y kontra.

Human niya nadepensaan ang iyang bakus pinaagi sa dominanteng unanimous decision nga kadaugan batok kang Adrien Broner niadtong Enero 20 sa Las Vegas, ang Pambansang Kamao ng Pilipinas personal nga mihagit kang Mayweather, kinsa nagtan-aw sa ringside niadtong higyuna.

Apan nilabay na lang ang usa ka buwan ug wala gihapo’y imik si Mayweather, kinsa kanhi pound-for-pond king.

“Marami naman diyan,” matod ni Pacquiao sa interbyu sa programang “Headstart” sa ANC nga napatik sa AFP News.

“(Keith) Thurman, (Amir) Khan, (Errol) Spence. Maraming mga pwede na kalaban.”

Si Thurman, kinsa adunay impresibong rekord nga 29-0, 22KOs, mao ang naggunit sa “super” nga bersyon sa WBA welterweight title.

Si Khan, kinsa adunay 33-4, 20KOs nga rekord, usa ka boxing superstar sa British ug naila nga kanhi sparring partner ni Pacquiao, kinsa sama ni Mayweather kanhi sab pound-for-pound king.

Si Spence, kinsa adunay 24-0, 21KOs nga rekord, maoy naghupot sa International Boxing Federation (IBF) welterweight belt.

“Sa akin naman, kahit sino eh,” matod ni Pacquiao, kinsa adunay 61-7-2, 39KOs nga rekord.

“Wala pang pinag-usapan ngayon. Hindi pa kami nag-uusap ni Al Haymon, so I don’t have an idea.”

Hinuon gitataw ni Pacquiao nga kon makadesisyon si Mayweather nga molugnot gikan sa pagretiro ug makig-away kaniya pagbalik, hayan mao kini ang hatagan niya’g prayoridad.

“Depende sa kanya, kasi open naman ako. Kung magbalik siya sa boxing. Laging nagre-retire ‘yun eh,” asoy sa bugtong 8-division world champion.

Human gilupig ni Mayweather si Pacquiao pinaagi sa unanimous decision niadtong Mayo, 2015, miaway pa kini og duha ka mga higayon.

Yano niyang gilupig si Andre Berto niadtong Septiyembre, 2015 dayon miretiro kini.

Niadtong Agusto, 2017, nakadesisyon si Mayweather nga moaway og balik ug yano niyang gipaundang si mixed martial arts superstar Conor McGregor.

Niadtong Disyembre 31 sa miaging tuig, yanong gi-knockout ni Mayweather si Japanese kickboxer Tenshin Nasukawa sa usa ka exhibition match.

Unya dili pa lang dugay, adunay taho nga moaway pa og dugang exhibition bouts si Mayweather ning tuiga. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph