Lomachenko batok Crolla karong Abril 12

Lomachenko
Lomachenko

NAKAHAGPAT na og kontra si Vasiliy Lomachenko alang sa nakatakda niyang away karong Abril 12 sa Staples Center sa Los Angeles, USA.

Ang kanhi two-time Olympic gold medalist gikan sa Ukraine makigbatok kang British Anthony Crolla aron depensaan ang usa sa iyang duha ka world titles sa lightweight division.

Ning maong kalambuan, wala’y nahitabong purse bid alang sa mandatory defense ni Lomachencko alang sa iyang World Boxing Association (WBA) lightweight belt.

“Lomachenko will fulfill his mandatory obligation by fighting Anthony Crolla (next),” asoy ni Top Rank Vice President Carl Moretti sa interbyu sa BoxingScene.com.

Si Lomanchenko, kinsa adunay 12-1, 9KOs nga rekord, nagtinguha unta og unification bout batok kang Richard Commey apan wala kini nadayon tungod kay naangol si Commey sa labing ulahi niyang away sa sayong bahin ning buwana.

Gumikan niini, wala na’y laing opsyon si Lomachenko kon dili atubangan ang iyang mandatory defense nga obligasyon batok kang Crolla, kinsa adunay 34-6-3, 13KOs nga rekord.

Si Lomachenko mao sab ang kampiyon sa World Boxing Organization (WBO) lightweight title. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph