Permit kinahanglanon sa campaign materials

KINAHANGLAN una mokuha og permit gikan sa Land Transportation Franchising and Regulatory Board ang mga operator og public utility vehicles (PUV) sa dili pa magbutang og political advertisements sa ilang mga sakyanan.

Matod ni Eduardo Montealto Jr., regional director sa LTFRB 7, gawas sa permit, kinahanglan usab nga motuman sa mga lagda sa Commission on Elections ang mga operator bahin sa sukod ug gidak-on sa campaign materials nga maoy gimando sa Memorandum Circular 2013-005 sa LTFRB.

Kini nga memorandum gi-modify pinaagi sa Memorandum Circular 2015-029, nga nagtangtang na sa mga prohibition sa political ads sa mga PUV ug nagtugot nga ma-display kini sa mga public utility jeepneys (PUJs), mga taxi ug public utility buses (PUBs).

Apil sa mga lagda, kinahanglan dili molapas sa 8.5X11 inches alang sa stickers ug 2X3 feet alang sa posters.

Sumala ni acting Cebu Provincial Election Supervisor Jerome Brillantes nga dunay propriety right ang tag-iya sa PUV kon unsa nga mga materyales ang ibutang sa iyang sakyanan.

“That utility is own by private individual so, that private individual can butang kinsa ang iyang choice... Ang proprietory right sa owner ang gitagaan og more value. So, we cannot control them. But they have to follow the sizes,” dugang sa election supervisor.

Si Montealto nibutyag nga gipatawag niya ang mga tinugyanan sa modernong mga sakyanan nga Beep human niya makit-i nga may naka-display nga campaign material sa 1-Utak Party-list nga way permit gikan sa ilang buhatan dihang iya kining nasundan. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph