SIKOP ang usa ka lalaki kinsa mi-piktyur sa migimaw nga panty sa babaye alas 2 sa hapon niadtong Martes, Pebrero 19, sud sa usa ka dakong mall sa Jose P. Laurel Avenue, Davao City.
Nagmahay ug naghimas sa rehas ang suspek nga si Richard (bansagon gitago), 39, taga Bacaca Road, Barangay 19-B, ning dakbayan gumikan sa iyang gibuhat.
Sumala sa impormasyon nga nakalap sa SuperBalita Davao nga samtang misakay sa escalator ang biktima nga si Carla, 32, kalit gi-piktyuran ni Richard ang panty niini.
Daling nagpatabang ang biktima sa mga tawo ug nasikop sa guwardiya ang suspek dayon giindorso sa Sta. Ana Police Station.
Kasong unjust vexation ang ipasaka nga kaso batok sa suspek didto sa korte. (Jeepy P. Compio)