SI PRESIDENTE Rodrigo Duterte nibutyag kagahapon, Pebrero 20, nga mismo si Ashley Abad, 19, ang tag-iya sa party drug nga Ecstacy.
Si Abad namatay sa drug overdose nga gituohang Ecstasy niadtong Enero 21.
Gipadayag kini sa Presidente sa iyang pagpamulong sa Plaza Rizal Hall atol sa iyang pagpanaad nga mas hugtan pa ang pagpuhag sa ilegal nga drugas sa umaabot nga panahon.
Si Duterte niasoy sa pagbisita sa ginikanan ni Abad kaniya sa Malacañang Palace kapin duha na ka mga semana ang nilabay.
“Nagreklamo sila. They want justice. Pero nakita nila, na-recover ng forensics examination pati ‘yung... She was the one who was actually texting another girl na maghati sila doon kasi ‘yung isa, reserba niya para sa kanyang boyfriend, ‘yung missing until now,” matod ni Duterte.
Ang buot pasabot ni Duterte mao si Nel Spencer Tiu, uyab ni Ashley kinsa nanghimakak nga iya ang party drugs.
Si Tiu niatubang na sa mga imbestigador sa Cebu City Police Office (CCPO) niadtong Pebrero 13. Ang kapulisan nag-andam na og kaso, apan wa pa mapasaka.
Nitataw si Duterte nga ang mga ginikanan ni Ashley nireklamo kaniya ug nangayo og hustisya sa nahitabo sa ilang anak.
“The parents are complaining. They want justice. But they saw, the forensics examination recovered the... She was the one who was actually texting another girl, telling her that she has to reserve one for her boyfriend, who remains missing until now,” butyag sa Presidente.
“And to make a long short guess na galing sa boyfriend, eh siya ‘yung may hawak eh. Siya nga nag-sabi doon sa text, para ito sa boyfriend niya. So hindi ma-ano sa nanay pati tatay na...,” dugang ni Duterte. (Kiziah Marie T. Suello, USJ-R Intern & Sunstar Philippines)