KAPIN usa ka milyon ka pesos nga kantidad sa illegal nga drugas ang nakuha sa mga sakop sa Labangon police station nga pinangulohan ni Chief Inspector Keith Andaya atol sa buy-bust operation sa Purok Sambag, Barangay Tisa, siyudad sa Sugbo, ganinang 1:50 Huwebes sa kaadlawon, Pebrero 21.
Ang nadakpan mao si Rolan Somampong Sistoso alyas “Olan,” 46, nga nag puyo ra usab sa maong lugar.
Nakuha gikan sa dinakpan ang lima ka dakong putos sa gituohang shabu nga motimbang og 225 grams.
Gipaubos pa sa imbestigasyon ang suspek kung asa gikan ang iyang supply sa illegal nga drugas. (AYB)