SECTIONS
Monday, May 20, 2019
SUPERBALITA CEBU

Mga hitmen gipangpiyansahan sa amo?

Local news

MGA piniriso nga na-profile sa kapulisan nga adunay record sa pagka gun-for-hire o hitman ang gi-monitor karon sa kapulisan.

Kini human nga nakadawat og impormasyon ang Mandaue City Police Office (MCPO) nga pipila sa mga grupo nga nalambigit sa gidili nga drugas ang nilihok pagtabang alang sa pagpadali sa ilang pagpagawas sa bilangguan.

Sama sa pinaagi sa pag-abaga sa bayranan sa pyansa.

Kini aron gamiton na usab sila isip hitman.

Mao kini hinungdan nga nakig-alayon ang MCPO sa Bureau of Jail Management and Penology (BJMP).

Gitug-an ni MCPO director Senior Supt. Julian Entoma nga nasuta nila kini human nga usa sa ilang bag-uhay lang nasikop kinsa 17 pa lang ka adlaw gikan sa iyang pagkagawas sa bilangguan, namaligya pagbalik og drugas. Kini nga nasikop nga nakapiyansa nibulgar sa maong trend karon sa mga nagpaluyo sa illegal drugs.

Wala pa masuta sa kapulisan kon asa gamiton ang mao nga mga hitmen. Apan usa sa ilang nakita nga diha ra usab sa pagpatay sa ilang kontra sa patigayon sa ilegal nga drugas.

Mao usab usa sa rason nga ila kini gi-monitor karon aron dili kini magamit sa pamolitika.

“Mao ni ato nadawat nga impormasyon nga padalion og pagpagawas kining mga hitman ug katong adunay kasiog nga mahimong gun-for-hire. Ang grupo ang motabang aron dali sila makagawas. Pero wala pa gyud ta kahibalo asa ni sila gamiton nga hitman. Usa na sa ato nakit-an nga magamit gyud sila diha sa pagpang-liquidate niadtong mga wala kabayad, o katong kontra nila sa negosyo sa drugas. Mao na ato sad nakita nga nagpaunhanay lang pud ni sila,” asoy ni Entoma sa Superbalita Cebu.

“Mao na nga naningkamot ta sa mga pulis alang sa peace and order sa syudas, kay kami biya pud ang ma-kwestyon sa sunod-sunkd nga pagpamusil kalabot na sa kahapsay ug kalinaw, mao na ato na ron monitoron kinsa ning mga nailang hitman naa sa prisuhan kay posible, ang kontra sad nila ang nag-atang usab aron dili sila maunhan,” dugang ni Entoma.

Mao kini usa sa gitan-aw sa MCPO nga motibo sa pagpusil-patay kang Marc John Soco niadtong Miyerkules, Pebrero 20, sa sitio Superior, Barangay Looc, Dakbayan sa Mandaue.

Si Soco gikan pa lang nakapyansa ug nakaangkon og temporaryo nga kagawasan, human kini nag-atubang og kaso nga paghupot og drug paraphernalia, atol sa gihimo nga buy bust sa niaging semana.

Matod ni Entoma nga base sa gihimo nila nga profiling kang Soco, usa kini sa giingon nga hitman didto sa Bohol.

Gani giingon nga usa kini sa mga suspek sa mga sunod-sunod nga pagpamusil patay atol sa piniliay niadtong 2016, ug sa uban usab nga mga napatay nga nasuta nga may kalambigitan sa ginadili nga drugas.

Si Soco ang anaa usab sa drug watch list sa MCPO.

Dugang nakuha nga impormasyon sa kapulisan nga anaa aduna nay dakong utang si Soco sa iyang grupo sa mamaligyaay og drugas ug giingon nga nitapon na kini sa pikas grupo ug maoy nitabang alang sa pagpyansa niini.

Awhag ni Entoma sa pamilya ni Soco nga makig-alayon kanila kon adunay nahibaw-an sa mga lihok niya aron masikop ang mamumuno niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!