ANG pamahayag ni Presidente Rodrigo Duterte labot sa pag tug-an nga si Ashley Abad ang tag-iya sa drugas nga iyang giinom ug dili sa iyang uyab dili maka balda sa nagpadayon nga imbestigasyon sa Cebu City Police Office.
Atol sa pakig pulong ni Presidente Rodrigo Duterte sa MalacaƱang, Miyerkules, Pebrero 20, iyang gitug-an ang resulta sa forensic sa cellphone ni Abad diin naklaro nga ang dalaga maoy nag hupot sa ecstasy nunot sa nakita sa text messages nga maoy hinungdan sa iyang pagka matay tungod sa overdose.
Siya usab ang nag hupot sa usa ka tabletas nga gi tagana niya sa iyang hinigugma nga si Nel Spencer Tiu nga unang nadudahan nga maoy nag hatag sa ilegal nga drugas.
Apan alang kang Sr. Supt. Royina Garma, walay epekto ang pamahayag sa presidente sa ilang nagpadayon nga imbestigasyon sa maong insidente.
Matod niya, nga ang ilang imbestigasyon naka sentro sa mga ebedensya nga nakuha ug maoy basehan sa ilang pagpasakag kaso
Wala hinuon niya supaka ang pamahayag sa presidente sanglit aduna usab kini mga impormasyon nga nakuha,ilabi na nga naa kaniya ang tanang kasayuran
Dugang ni Col. Garma nga hapit na sila matapos sa ilang imbestigasyon ug sa mosunod nga mga adlaw, aduna na silay mapasakaan og kaso apan wala niya kini gitug-an kung si kinsa.