SECTIONS
Saturday, May 25, 2019
SUPERBALITA CEBU

Lalake miambak sa bridge, patay

Marcelo Fernan Bridge

USA ka lalake ang gidali sa pagtabang sa usa ka concerned citizen ug rescue team dihang nilayat sa Marcelo Fernan Bridge, pasado ala una sa hapon sa Huwebes, Pebrero 21, apan gideklarar nga patay human sa pipila ka minutos sud sa tambalanan.

Nadawat sa Mandaue City Police Office (MCPO) ang taho sa paghikog sa ala 1:50 sa hapon.

Matod ni Chief Insp. Mercy Villaro, tigpamaba sa MCPO, nga hangtod sa pagsuwat ning balita, wala pa mahibaw-i ang pangalan ug taga asa kini.

Wala pay pamilya nga nawad-an ug kabanay ang niduol sa kapulisan sa Mandaue.

Ang lalaki nga anaa sa 20 ngadto sa 30 anyos nilayat sa ikaduha nga taytayan sa habig sa dakbayan sa Lapu-Lapu.

Adunay nakakita nga nag-pumpboat nga maoy nidali sa pagtabang sa nilayat, kinsa mao usab ang nitawag og pakitabang.

Gidala kini sa Sitio Pajara, sa Barangay Looc sa Mandaue ug dali usab niresponde ang rescue team gikan sa Mandaue City Disaster Risk Reduction and Management Office (MCDRRMO) ug maoy nidala niini sa Mandaue City District Hospital.

Apan pipila ka minutos, nakabsan gyud sa ang lalake sa iyang kinabuhi.

Ang lalake ang nagsuot og maroon t-shirt ug gihulagway nga gamayon ang panglawas niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!