SECTIONS
Saturday, May 25, 2019
SUPERBALITA CEBU

Mental facility sa San Remegio bukas na

Ribbon cutting sa pormal nga pag-abli sa San Remegio mental health facility nga gipanguluhan ni Vice President Leni Robredo. (Contributed photo/ Jericho Termas Ursaiz)

PORMAL nang gibuksan Huwebes, Pebrero 21, ang mental health facility nga gipasiugdahan ni Vice President Leni Robredo sa San Remigio, amihanang Sugbo.

Ang maong heath facility lakip kini sa iyahang Angat Buhay Bridging Leadership Program.

Mokabat P2 milyones nga assistance ang gitagana sa Office of the Vice President sa 100 square meter nga pasilidad.

Pormal nang gi-turnover sa OVP ang maong mental health facility ngadto sa local government unit sa San Remigio isip suporta sa ilahang community-based mental health program.

Ang maong pasilidad nga alang sa mga pasyente nga aduna’y problema sa ilahang pangutok ug mamahimo nga i-confine, treatment alang sa counseling ug konsultasyon, ug art therapy room.

Partner sa OVP Angat Buhay ang Solana Foundation nga nitabang usab sa katukoran sa maong pasilidad.

Gipangulohan mismo ni Robredo ang inagurasyon ug blessing sa maong center diin gihimo usab ang turnover sa mga tambal gikan sa laing OVP partner nga ANCOP Foundation USA.

Nasayran nga sa pagkakaron, aduna’y 200 ka mga residente sa San Remigio nga aduna’y mental health conditions susama sa depresyon, anxienty disorder, psychotic disorder ug developmental and behavioral disorders.

“Masayang masaya po ako kasi noong pagpunta ko ng November, na-meet ko iyong isang batch ng mga pasyente ng mental health program, saka iyong caregivers nila. At iyong improvement—hindi lang sa health nila pero sa buhay ng pamilya nila—dahil sa programa niyo ay napakalaki na,” matod ni Robredo.

Nadani si Robredo sa LGU sa San Remigio dihang nitutok kini sa pag-atiman sa mga aduna’y mental health problems diin mao usab kini ang naghatag niya og rason sa pagtukod sa maong pasilidad atol sa pagbisita niini human ang Yolanda.

Ang programa sa San Remigio alang sa mental health gipasidunggan kini isip 3rd prize sa Angat Buhay Bridging Leadership Program.

“Kaya po dagdag nang dagdag iyong tulong na ibinibigay, hindi lang po namin, pero ng aming mga partners, kasi every time we come here, we get inspired,” si Robredo nagkanayon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!