SECTIONS
Saturday, May 25, 2019
SUPERBALITA CEBU

Labaw pa sa negosyo and motibo sa ambush?

Gitan-aw karon ang ma posibleng motibo sa pagpamanhig sa usa ka negosyante sa Mandaue. (Gregy Magdadaro)

ANG Mandaue City Police Office ang nakig-alayon sa Toledo City Police Station, kalabot sa insidente sa pagpamanhig sa negosyante nga si John Pearlnel Dinoro, Myerkules sa buntag, Pebrero 20.

Human nga ang gitug-an niini sa kapulisan nga iyang gidudahan nga likud sa pagpamanhig, anaa sa dakbayan sa Toledo.

Ug kay wala pay igo nga ebidensya nga makatumbok sa laing negusyante nga maoy gidudahan nga utok sa pagpamanhig kang Dinoro, hinungdan nga nakig-alayon ang MCPO sa mga pulis sa Toledo alang sa gihimo nga mas lawom nga pakisusi.

Gawas sa pagpaubos sa profiling sa gitumbok nga likud sa pag-ambush kaniya, gitug-an sa director sa MCPO nga lakip sa ilang ipaubos sa profiling, mismo si Dinoro.

Matud ni Senior Supt. Julian Entoma, ang pangulo sa MCPO nga ilang gipalawman ug gipalapdan pa ang gihimo nga pakisusi kalabot sa mga background sa biktima ug sa giingong kompetensya niini sa negusyo, nga mao ang pag-supply og sand and gravel didto sa Toledo.

Gipasuta usab ngadto mismo sa gipasanginlan kon tinuod ba nga aduna sila panagbangi sa biktima.

Usa sa ilang gitan-aw nga posibleng labaw pa sa negusyo ang nagtuklod sa tinguha unta nga pagpapatay kang Dinoro.

Gihulagway ni Entoma nga aduna gyuy kaya ang si kinsa man nga nagtinguha sa kinabuhi ni Dinoro.

Dugang ni Entoma nga sa ilang tan-aw mga amateur pa nga gun-for-hire ang ni-ambush niini.

Gawas sa negosyo, giangkon ni Entoma nga ila usab tan-awon ang kalabot sa kanhi niini trabaho, isip driver ug body guard ni suspendidong mayor sa Toledo City, Sonny Osmeña.

Wala usab gisalikway ni Entoma nga ila usab tan-awon kon may kalambigitan ba ang ilegal nga drugas, ug uban pa nga aspeto.

“Mao to iya ingon sa ato, nga wala siyay lain mahunahunaan nga magtinguha sa iyang kinabuhi, apan kato lang kompetensya sa iyang negosyo..Pero ni dig-out mi sa records sa biktima, kay magsugod ta sa pag-profile sa biktima, duna mi gilawman nga other aspeto nga dili lang mi modiretso lang nga business related na dayon. Kay amo ni palagman, sa personality sa biktima ug sa gi-alleged pud nga suspetsado, kinsa iya giingon nga aduna lage daw sila problema sa pinansyal,” gipasabot ni Entoma.

Hinungdan nga hangyo lang ni Entoma ngadto kang Dinoro, nga ibutyag ang uban pa niini nga nahibaw-an, aron siya katabangan.

Hinuon wala pa nakadawat og suwat hangyo sila sa MCPO gikan kang Dinoro alang sa seguridad niini, apan matud ni Entoma nga lakip na ang palibot duol sa ilang panimay ang siguruon nga mapa-rovingan sa mobile patrol, matag karon ug unya alang sa kaluwasan sa biktima ug sa iyang pamilya.

Pahimangno ni Entoma sa uban pa nga aduna nay nadawat nga hulga sa ilang kinabuhi nga sa pagtahu gyud niini sa mga pulis o kang si kinsa man sila makasalig nga anaa sa law enforcement agency aron mapangitaan na daan og paagi nga masumpo ang dautang tinguha sa ilang kinabuhi.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!