Natumbok na ang tinubdan sa Ecstasy?

GIBUTYAG sa uyoan ni Ashley Abad nga nakaila na sila sa tinubdan sa Ecstasy.

Apan si Jose Benjamin Abad, uyoan ug tigpamaba sa banay nga Abad, wa mohatag og ngan sa pagkakaron.

Ila pang gihuwat ang dugang mga kalamboan sa imbestigasyon sa kapulisan sa kamatayon sa iyang pag-umangkon.

Ang banay nga Abad nakigtagbo kang Cebu City Police Director Royina Garma Huwebes sa hapon.

Kini human nisulti si Presidente Rodrigo Duterte nga kang Ashley ang Ecstasy base usab sa text message nga giingong gipadala niini ngadto sa usa niya ka amiga. Matod ni Benjamin nga di pa sila makaluwat og mga pamahayag kay duna pa silay dugang mga impormasyon nga gihuwat.

“It’s too premature for us to react. As of now, no comment mi. We’re just waiting for some more informations but for now, wala pami ikasulti. We’re still communicating with our lawyers and the family and we will decide on that after we meet,” matod niya.

Ang pamilyang Abad nibisita sa CCPO sa Huwebes sa hapon, Pebrero 21 aron masuta unsa na ang kalamboan sa kaso.

Alang ni Garma, di maapektohan ang kaso sa pamahayag ni Duterte. (Jolissa Mae Taboada, USJ-R Intern, AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph