HUMAN magpa-blotter tungod sa giingong hulga sa kinabuhi nga iyang nadawat, kinahanglang mopaubos sa threat assessment sa kapulisan si kanhi Pinamungajan mayor Geraldine Yapha, kinsa karon kandidato sa pagka-kongresista sa tersero distrito sa Sugbo.
Kini maoy gipadayag sa Cebu Provincial Commission on Elections (Comelec) kon buot sa kandidato nga mahatagan og security detail nunot sa hulga nga iyang nadawat.
Matod ni Brillantes, ang pagpa-blotter ug pagpaubos sa proseso nga magmatuod nga adunay hulga ang iyang kinabuhi, o gitawag ngathreat assessment ga requirement nga basehan sa Regional Joint Security Control Center pagtumbok kon hatagan ba siya og security detail.
Kon makumpleto ni Yapha ang requirement, hayan nga ang Comelec mo-endorso niini sa RJSCC.
Nidangop sa kapulisan si Yapha human naakdawat og suwat nga gipakapaninan og duha ka mga bala.
Dunay mensahe pa nga kon di siya mo-withdraw sa iyang kandidatura, hayan magamit alang kaniya ang usa sa mga bala.
Dako ang iyang pagtuo nga may kalabutan kini sa politika, ilabi na kay dunay usa ka kandidato nga dugay ra usab nga nagsige og hangyo kaniya pag-atras ug nitanyag pa og P50 milyones kaniya aron paghimo niini.
“After that, amo nang i-endorse, if the finding of the police is valid. It’s up to RJSCC to assess and to give her security detail,” matod ni Brillantes. (AZLG)