GISUTA pa sa kapulisan sa Cagayan de Oro Police Office (Cocpo) ang kakulangon sa koordinasiyon sa opisyal sa barangay sa maong dapit ngadto sa kapulisan sa Police Station 8 (PS8) sa Lumbia human sa natigayong pagpanghikling sa mga residente sa Barangay Pagalungan ug Tagpangi.
Gibutyag ni Police Superintendent Mardy Hortillosa, tigpamaba sa Cocpo, nga medyo duna'y kakulangon gumikan kay nganong nakapamakwit ang pipila ka mga residente apan sutaon pa usab kini pag-ayo aron masayran kung nganong nahitabo ang pagpanghikling sa mga residente.
“Wala pa ko kabalo gyud unsay nahitabo sa ilahang duha pero ingon ani ang sitwasiyon masulti nato nga medyo naa kay nganong nag evacuate man? “matud ni Hortillosa.
Gidugang pa usab niini nga kini dili pa usab makompirma ug palaloman pa ang
“Pero wala pa ko kabalo dili pa nato ma confirm, atoa pang palaloman kaayo ang imbestigasiyon para dili ta makasulti og dili mao” dugang niini.
Gitan-aw usab sa kapulisan ang giingong una nga nagpakatag sa maong impormasiyon ilabi na nga duna'y armadong grupo.
“Tan-awon nato kay under sa atong balaod sa Republic Act 10951 fake news ni siya kung naay intention gyud niya nga magpakatag og sayop nga balita, liable siya didto kato due to sa iyang reaction in good faith dili pud siguro siya mahimong liable, dapat na siya susihon,” dugang ni Hortillosa.