SECTIONS
Sunday, March 24, 2019
SUPERBALITA CAGAYAN DE ORO

Cocpo: ‘Shame on you’ mga trolls

NAG-AGHAT ang Cagayan de Oro Police Office (Cocpo) nga dili palabi-an og mga “wordings” kung ugaling mag-post sa social media ilabi na kung makahatag kini og kabalaka sa residente sa dakbayan sa Cagayan de Oro.

Atol sa press conference human sa natigayong pagpamakwit sa mga residente gikan bukirang bahin sa Barangay Pagalungan ug Barangay Tagpangi nibutyag si Police Superintendent Mardy Hortillosa, tigpamaba sa Cocpo, nga unta dili magpataka og post ang mga katawhan sa social media ug kinahanglan nga sutaon una ang kamatuoran sa panghitabo.

“Lisod kay ang mga tawo raba kung wala mag-estorya sa ilaha, maghimo-himo na sila’g kaugalingong statement nila mag post-post na dayon na sila sa Facebook,” matud ni Hortillosa.

Gidugang pa niini nga unta dili na dugangan pa og mga pahayag nga sobra kaayo diin gani wala pa niini ma-validate ang kamatuoran niini.

“Ayaw palabii like for example ‘Tabang Lord’ kagubot na ba kaayo sa Cagayan de Oro unya wala pa’y insaktong validaton dili na nila dugangan og mga wordings nga makapatag sa atoa nga gubot na kaayo ang Cagayan de Oro,” matud niini.

Gani naghatag pa kini og pahayag ilabi na sa mga gitawag nga “trolls” diin wala kini mahimo gawas sa pagpakatag og mga wala’y kamatuorang balita diha sa social media.

“Samot na sa mga trolls, ‘Shame on you’ mga trolls,” dugang niini.

Padayon kini nga naghangyo nga kung duna’y makuhang mga impormasiyon ipaabot gyud dayon una kini sa kapulisan aron nga mahatagan og tukmang aksiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!