BFP: Nangandam sa Fire Prevention Month

MAS naningkamot pa karon ang Bureau of Fire Protection (BFP)-Davao sa pagpangandam sa mga butang nga ilang idugang sa pagpahibalo sa katawhan alang sa Fire Prevention Month karong Marso.

Sumala ni Senior Police Officer (SFO) 2 Ramil Gillado, ang deputy chief sa investigation section sa BFP-Davao, nagbutyag nga ning panahona kinahanglan masayod ang katawhan sa mga butang nga angay buhaton aron malayo sa sunog.

Gikan Febrero 20, Miyerkules mitala na og unom ka mga sunog ang BFP-Davao.

Apan giingon ni Gillado nga sagad sa mga hinungdan sa kalayo mao ang electrical-short circuit ug ang pagpasagad sa kalan nga dunay daghang kalayo nga maoy giingong hinungdan sa pagkaugdaw sa 200 ka mga balay sa Badjao community sa Isla Verde, Miyerkules.

“Usa sab sa mga hinungdan sa kalayo gawas sa electrical-short circuit mao ang kainit sa panahon, gumikan pasulod na ang takna sa summer,” ingon ni Gillado.

Pagkagabi, misunod ang sunog sa Barangay 76-A, Bucana, ug gisunda kini sa sunog sa Toril District, diin pagka-ugma Huwebes sa udto, miulbo ang sunog sa Barangay Jerome, R. Castillo nga gikamatay sa usa ka “person with special needs.”

Huwebes sa gabii miulbo sab ang dakong sunog sa Malvar Street, Barangay 7-A dayon gisundan kini sa usa ka grass fire sa Talomo District ug pagka-ugdaw sa pipila ka panimalay sa Bunawan District, Huwebes, Pebrero 21. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph