SECTIONS
Monday, May 20, 2019
SUPERBALITA CEBU

Magtiayon, tanod napatay

TULO ang patay sa pag serve unta og search warrant sa duha ka mga tanod sa Barangay Lusaran, bukirang dapit sa Siyudad sa Sugbo pasado ala una sa kaadlawon sa Biyernes, Pebrero 22, human giingong ningsukol sa kapulisan.

Lakip sa namatay ang asawa sa usa sa mga barangay tanod.

Nagdala ang mga sakop sa City Mobile Force Company sa Cebu City Police Office og search warrant sa korte.

Ang kapulisan gipangulohan ni Chief Insp. Chuck Barandog, kinsa nirumbo kanila ni Renato Goc-ong ug Reynaldo Laguna.

Sila si Goc-ong ug Laguna nangamatay kay giingong nisukol.

Ang duha giingong nagtiner og mga armas nga way lisensya.

Sa ilang pag-abot sa tugakaran, gisugat sila sa asawa nga si Emma Goc-ong ug gipangutana unsay ilang tuyo.

Nibalik sa sulod si Emma ug kalit nga nanirado sa pultahan.

Sa ilang pagtuo nga niikyas na ang si Renato, ilang gisulod ang balay.

Apan sa pag-abli sa pultahan ni PO3 Pacheco Pulgo, siya gipusil nga niresulta sa pagkaigo sa iyang tuong kilid sa lawas.

Tungod sa impact sa bala, nalagpot si Polgo ug natumba.

Dinhi na nahitabo ang pinusilay tali sa mga pulis ug kang Renato.

Sa dihang ilang gisusi ang sulod sa balay, ilang nakita nga nag buy-od na si Renato nga gigakos sa asawa.

Ang magtiayon patay na.

Dali nga gidala si Pulgo sa usa ka pribadong tambalanan.

Iyang naangkon bun-og ra.

Si Laguna nga silingan ra sa mga Goc-ong giingong nisukol usab sa kapulisan dihang gi-raid ang iyang balay.

Matod ni Cebu City Police Director Royina Garma nga kon wa pa naka bullet proof vest si Pulgo, hayan patay na kini.

“Marami daw yung putok na narinig pero isa lang yung nakita namin na tumama sa bullet proof vest ng police natin. So, tumalsik yung pulis so yung next person in line ang nagpaputok at tumira na,” sigun ni Garma.

Matod ni Garma nga niadto pang milabayng tuig sila nakadawat og impormasyon labot sa pagdala-dalag armas sa mga tawo sa bukid diin kasagaran mga barangay tanod.

Nakuha gikan kanilang Goc-ong ug Laguna ang di lisensyadong mga armas.

Giila sila nga mga goons sa mga pulitiko, sagad panahon sa eleksyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!