SECTIONS
Sunday, September 15, 2019
SUPERBALITA CEBU

Pulis: 2 tanod napatay mga gun-for-hire

GITUMBOK nga mga gun-for-hire sa bukid ang duha ka tanod nga napatay atol sa dungan nga pag-serve sa search warrant sa barangay Lusaran, sa syudad sa Sugbo, niadtong Biyernes sa kaadlawon, Pebrero 22, nga silang Renato Goc-ong ug Reynaldo Laguna.

Matod ni Chief Inspector Chuck Barandog, ang hepe sa City Mobile Force Company sa Cebu City Police Office, nga gawas sa duha aduna pa silay mga kauban nga silang Julito Marikit Laguna, igsuon ni Renato, nga nakadagan atol sa pag dasmag na sa mga police.

Si Reynaldo aduna nay criminal record diin nabilanggo na kini sa kasong murder diin kauban sila niining usa ka Roger Doncillo nga giila usab nga wanted person human mag atubang og kasong murder ug homicide.

Ang maong grupo gi protihian matod pa ni kapitan Agustin Partulan sa Lusaran nga maoy hinungdan nga gipaubos nila kini sa surveillance sa dugay nga panahon.

Gawas sa ilang pagka gun-for-hire nahimo na usab sila nga mga security escort sa mga drug courier sa bukid nga maoy mo-supply sa mga bukirang barangay sa siyudad sa Sugbo, ug gihimo na usab sila nga “bata-bata” sa mga politiko.

Niadtong barangay eleksyon sa miaging tuig diin daghang reklamo nga gipadangat sa buhatan sa CCPO matod ni Barandog nga adunay mga armadong grupo sila usab ang gitumbok nga maoy manghulga sa mga botante.

“Kanang mga tawhana they are gun-for-hire sa bukid for so many years..grupo na sila, last barangay election last year? Katong mga reklamo sa bukid na naay armed group nga sighted? Sila to, sila tong grupoha boss maniwala ka,” matod ni Barandog.

Gihimakak usab niya ang pasangil nga bisan ni surrender na si Goc-ong gipusil gihapon kini sanglit dili matod pa nila kinaiya ang pagpatay sa tawo nga motahan na sa iyang kaugalingon.

Nakasabot siya sa gibati sa anak sa magtiayon nga nawad-an og ginikanan apan kinahanglan nga mo depensa usab ang mga pulis sa ilang kaugalingon.

Iyang gipasabot nga sa ilang pag abot sa balay ni Goc-ong nagpaila dayon sila nga pulis apan ang asawa nga migawas mibalik kini sa pagsulod ug nanira.

Wala na kini mangabli pa nga maoy hinungdan nga nakahukom sila nga ilang I ransack ang balay, apan gipusil ang ilang kauban nga si Police Officer (PO)3 Pacheco Pulgo.

“Nakasabot kaayo mi sa feelings sa anak atong namatay, kinsa man guy pulis nga gusto nga ma ingun ato nga naa mamatay? Wala gyud oy mao to nag pinusilay na wala nata kahibalo sa sulod nga naapil na diay ang asawa, wala to mu surrender kay kung ni surrender pato siya, walang namatay sana,” matud ni Barandog.

Si Chief Superintendent Debold Sinas sa iyang bahin nga bisan usa ka lihitimo ang maong pag serve sa search warrant, apan ipaubos gihapon sa imbestigasyon ang mga pulis.

Ang tumong ug tuyo niini aron masuta kung nasunod ba ang operational procedure diin ang Regional Internal Affairs Service ang gitahasan nga mohimo niini.

Gahapon sa buntag gitaoran og medalya ng sugatang magiting si PO3 Pacheco Pulgo ni General Sinas sulod sa tambalanan. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph