ANG buhatan sa Misamis Oriental Provincial Agriculture Office (Pagro) miila sa mga munisipyo nga dako og potensyal aron mapatas-an ang rice production sa lalawigan.
Si Apollo Pacamalan niila niining mga lungsod nga posibleng mokober og rice production ngadto sa 500.55 ektarya.
Ang mga lungsod nga giila mao kining Magsaysay, Gingoog, Lagonglong, Jasaan, Claveria, Initao, Naawan, Manticao, Opol, Villanueva, Tagoloan, Alubijid, Laguindingan, Gitagum, Libertad, ug Lugait.
Kini nga mga lungsod alang sa expansion sa rice production ug sa umaabot mag una ang probinsya nga mosuplay og bugas dili lang diri sa lalawigan apan sa kasikbit nga lugar dinhi sa nasod.
Ang Pagro aduna sab karon lima ka tuig nga strategic direction kon diin tinguha niini mao ang pag introdyus sa lain laing paagi sa pag-uma ug pagpangisda.
Pag-introdyus sa climate smart farming kon diin adunay masinatian nga pag usab usab sa panahon kon unsay angayan niini nga sulosyon nga dili maapektuhan ang mga mag-uuma. (SVB)