IPAHIGAYON sa pinaka-unang higayon ang beauty expo 2019 diin gipasiugda kini sa N & B beauty and skin care product distributor corporation karong umaabot nga Pebrero 25, sa Ayala mall sa siyudad sa Cagayan de Oro.
Nasayran nga dili lamang kini alang sa mga Kagay-anon apan bukas alang sa tibuok Northern Mindanao sama na lamang sa Butuan City, Bukidnon, Iligan, Surigao, ug uban pa.
Matud sa Team Amega ilabi na ni Jiejie Aisa nga kini ang pinaka unang higayon, apan gipaniguro nga mamahimo kining hisgutanan.
Nagpasalamat usab ang Team Amega nga maoy gipili nga mopakita ug mopaila sa make-up world diin ania na sa nasud ang pinaka nindot nga make-up nga mamahimong magamit sa mga make-up artist sa siyudad ug sa Northern Mindanao.
“So far since first man siya nga masugdan this year, I'm very much sure nga bisan tuod siya nga ang competition is limited to all salon make-up artist pa lang but I’m very much sure nga mahimo ni siyang talk of the town,” matud ni Aisa.
Gidugang usab ni Atty. Beda Joy Ellot, distributor sa beauty and skin product atol sa launching sa N&B launching sa Skin & beauty expo 2019, nga kining maong beauty expo usa ka adlaw ug dunay fashion show sa local brand ambassadress ug make-up competition.
“It’s going to be an skin and beauty expo on February 25 featuring all our products we’re carrying, there's going to be some activities for our salon clients, some make-up competition also and the fashion show later in the afternoon for our local brand ambassadress,” matud ni Ellot.
Giingong dili lamang kini limitado sa siyudad apan sa kasikbit nga dapit nga ang premyo anaa sa P20,000 nga kantidad sa mga produkto ug salaping cash.
“The price is going to be P20,000 mix of products and cash and there will be some exciting prizes that will be given away during the activity,” matud ni Ellot.
Sa make-up anaa sa pulo ka mga partisipante gikan sa Butuan, Surigao, ug uban pa.
Ang maong kompetisyon karong umaabot Pebrero 25 sa Centrio Ayala mall. (KCS)