GIBUGNO sa usa ka dancer ang laing dancer tungod sa wala nabayarang utang niadtong mga alas 2:50 Biyernes sa kaadlawon, Pebrero 22, sulod sa bar sa Cruz Taal Street, siyudad sa Cagayan de Oro.
Nagpatala sa kapulisan sa Police Station (PS) 1 sa Divisoria si Leah (dili tinuod nga ngalan), 22, duna’y kaipon, samtang ang gireklamo naila nga si Darling (bansagon gitago), 30, dalaga, nga taga Barangay Gusa ning siyudad ug pulos mga dancer.
Sa nahipos nga impormasiyon gikan sa PS1 gikabutyag ni Leah nga nasuko si Darling sa dihang nibalibad kini tungod na usab kay wala kini cash nga ikabayad sa dihang gisingil sa iyang utang.
Giingong kalit lang kining giguyod ug gibira-bira ang buhok, ug dili pa igo gihulga pa kini sa dihang giingnan nga mamatay kini lakip ang anak niini, hinungdan nga gibati kini og kabalaka lakip na kaulawon tungod sa gibuhat kaniya bisan nga daghan ang nakasaksi. (KCS)