BISIBOL na usab sa telebisyon si Nadine Lustre. Sa programang “It’s Showtime” hapit taga-adlaw ni nato siyang nakita.
Kay bisi karon ang dalaga sa pag-promote sa iyang bag-ong pelikula sa Viva films. Kon wa ko masayop katapusan natong nakita sa big screen ang Nadine sa box office hit movie nilang James Reid.
Karon medyo gikulbaan ug excited ang dalaga sa umaabot niyang pelikula kay solo kini niya ug way James Reid siya nga kauban dinhi.
Ang pelikulang “Ulan” nga ipasalida na sa mga sinehan sunod buwan, tulo ang iyang leadingman.
Silang Marco Gumabao, AJ Muhlach ug Carlo Aquino.
Apan daghan na ang nakuryoso kon unsa gyud ang dagan sa istorya sa Ulan. Istorya sa managlahing relasyon ni Nadine kang Aj, Marco ug Carlo.
Sa trailer medyo may pagka-misteryoso kini kay may nakita tang kapre. Kon unsa man gyud ang sugilanon mao kini ang atong atngan. Ang “Ulan” sa Viva films sa direksyon ni Irene Villamor, ay’g saba!
Kinsa ug unsa gyud kaha ang makalupig ni Cardo sa “FPJ’s Ang Probinsyano”? Tulo na ka tuig ang serye ug padayong nag-una kini sa ratings matag gabii.
Dili na gyud hitupngan ang kasikat sa Probinsyano kay hasta mga karibal ni Coco Martin nga mga artista mi-congratulate niya sa success sa maong teleserye. Ay’g saba!
Unsa kahay resulta kon mag-uban sa pelikula ang drama aktres Gelli de Belen ug komedyanteng Bayani Agbayani?
Sa romantic comedy nga “Pansamantagal” riot ang dating sa duha nato ka bida. Sa trailer pa lang alegre na kaayo. Si Gelli ang maghatag nato sa mga kadramahan ug si Bayani sa mga katawan-ang eksena. Ay’g saba!