Bugtong si Nel Spencer Tiu gikiha sa kapulisan

GIPASAKA na sa kapulisan ang kaso nga homicide batok kang Nel Spencer Tiu, uyab ni Ashley Abad, Sabado sa buntag, Pebrero 23 sa Cebu City Prosecutors Office.

Apan giangkon usab sa pangulo sa Police Regional Office 7, Chief Supt. Debold Sinas, nga iyang gipahibawo ang pamilya sa 19-anyos nga dalaga kinsa namatay tungod sa pagka-overdose sa Ecstasy, nga huyang ang kaso.

Matod ni Sinas nga circumstantial ug wa silay gilakip nga saksi sa kremin.

“Tanan circumstantial, no eye witness kinsa gyud, puro circumstantial. But the family would like to file homicide, though we already informed them that very weak ang homicide. But so be it, padayon gihapon. Kinahanglan i-close na namo tong investigatigation. Anyway, we are now targeting kining na-identified nga mga suppliers sa party drugs,”tug-an ni Sinas atol sa press conference.

Dugang ni Sinas nga bisan kon namahayag si Presidente Rodrigo Duterte didto sa kauluhan nga base sa nakuha niini nga latest information nga si Abad ang nanghatag og party drugs ngadto kang Tiu, wa kini nakapahunong sa ilang pagpadayon sa pagpasaka sa kaso.

Gitug-an ni Sinas nga wala usab silay kasayuran kon si kinsa ang tinubdan sa impormasyon sa Presidente.

Gawas kang Tiu, wa nay lain pa nga gipasakaan og kaso ang kapulisan.

“Natapos na namu to ang kaso. So, para dili mag-estorya ang family nga naay hucos-focus, we will file a case, upon the consensus. , diba para dili sila, nga kumo gisulti sa Presidente gidaot namo ang kaso. Dili, kon unsa to ang na-find out di ba? Kay bago to naka-estorya si Presidente, naka-ready naman, gi-finalize na lang to. Karon gusto gyud ng pamilya ngai-file homicide against kay Tiu lang, the rest wala na,” dugang ni Sinas.

Major Supplier sa Ecstasy

Samtang nasuta atol usab sa inbestigasyon kalabot sa kaso ni Abad, nga ang napatay sa operasyon niadtong Byernes sa kaadlawon nga si Ken Kenneth Rosales, mao ang nag-suplay sa party drugs sa party nga gitambungan ni Abad.

Dugang ni Sinas nga si Rosales, kinsa nasikop niadtong 2013 tungod gihapon sa Ecstasy, nakagawas kay niadtong higayuna, user lang kini ug nakapyansa.

Apan giingon nga nipadayon pa kini hangtud nga nahimo na nga major Ecstasy supplier sa Sugbo.

Gituohan nga namaligya na usab kini og cocaine human makuhai og mga cocaine sud sa Volvo niini nga sakyanan.

Si Rosales nalakip na sa matrix sa kapulisan sa mga distributor sa Ecstasy sa mga high-end clubs ug mga party sa adunahan nga kabataan sa Sugbo.

Sa pagkapatay kang Rosales ug pagkasikop sa mga kauban niini nga sila Justin Jimenez ug Lorenz Yap, nanghinaot sila sa PRO 7 nga mohinay na ang distribution sa Ecstasy sa Sugbo.

Apan giangkon usab ni Sinas nga aduna pay adunahan nga mga babaye ang ilang gisunod sa pagsusi, nga maoy namaligya usab. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph