ANIA palang kita sa duha ka tuig ug walo ka bulan sa administrasyon ni Presidente Rodrigo Duterte pero kun imong itandi ang iyang accomplishment sa milabay nga administrasyon nahimo na sa atong presidente sulod sa duha ka tuig kapin, ang unom ka tuig nga termino ni kanhi presidente Benigno Aquino.
Una niini, free irrigation sa atong mga mag-uuma nga may mga basakan gikan sa walo ka ektarya paubos. Ang ikaduha, free education sa mga state college ug mga universities nga iya sa atong gobyerno. Ikatulo, zero billing sa mga pasyente sa nagkadaiyang ospital nga iya sa atong gobyerno, ang ika-upat, ang paghatag og P1, 000 sa mga Social Security System (SSS) pensioners.
Nia pa ang ikalima, ang pagbutang og bangko sa mga overseas Filipino workers (OFWs), diin sa ika-unom, tanang mga Pilipino bisan og walay income, miyembro na sa Philippine Health Insurance Corporation (Philhealth) nga pundohan sa atong gobyerno.
Sa ikapito, napulo na katuig ang validity sa atong passport, ug ang ikawalo, lima ka tuig na ang validity sa atong driver’s license.
Karong bag-o, paglugway sa maternity leave nga 90 days sa mga working mothers ug 105 days sa mga single mom, ug wala na’y tanim-bala sa atong mga OFW nga moagi sa Manila International Airport, ug daghan pa nga wala nato matiman-i nga pulos gyud para sa mga pobre nga Pilipino.
Karon ari kita sa administrasyon ni P-Noy, una, sa paglingkod palang walo na ka mga Chinese nationals gikan sa nasud Hong Kong ang gipatay sa naghuramentadong pulis nga gikasuko sa Hong Kong government sa Pilipinas; si P-Noy, mitago, talawan wa nagpakita di pareha ni PRRD gi-adto niya ang giyera sa Marawi City.
Ikaduha, ang laglag-bala sa Ninoy Aquino International Airport (NAIA) nga intawon ang biktima nga pobre nga nagtraho sa abroad nga atong giila nga mga buhi nga “bayani” - ang mga OFW.
Sa ikatulo, ang nabulok nga bugas nga wala gipanghatag ni kanhi Department of Social Worker and Development (DSWD) secretary Corazon Dinky Soliman sa mga biktima sa bagyong Yolanda; ug ang mga kwarta nga gipang-donate sa mga langyaw nga nasud para sa mga biktima sa bagyo, pero gimantinilan lang intawon og coco lumber ang gitukod nilang pinuy-anan.
Ang ika-upat sa administrasyon ni P-Noy, si Henares ang mga pobre ang kanunay ginasingil og mga buhis, pero, si Lucio Tan nga dako og utang sa atong gobyerno gipasagdan. Ikalima, nganong gipa-impeach si kanhi Chief Justice Renato Corona, tungod kay gi land reform ang Hacienda Luisita, kay ang gusto niya kadtong mga hacienda lang sa mga ordinaryong tawo maoy i-land reform ang ila dili.
Wa mo’y namatikdan? Mura’g sila’y tag-iya sa Pilipinas, ang MIA gibalhin og NAIA. Ang atong kuwarta naa ang dagway sa magtiayon, murag kinsa nga hero, -- ang hero, kadtong adunay nabuhat sa atong nasud, pero ang amahan ni P-Noy, napalpak lang nga gusto gyud mahimong presidente pero wa mang gyud mahimong presidente, hero na.
Kung duna pamo'y ikadugang sumpayi ninyo, tungod kay kini ang kamatuoran nga dili ikalimod.