MIBAKHO ang mga kabanay sa upat ka mga priso sa Davao City Jail nga napatay atol sa greyhound operation sa otoridad niadtong Sabado, Pebrero 23.
Sa social media nanggawas ang daghang komento nga wa lagi namusil ang upat ka mga priso, kun di alegasyong miaksyon lamang og kasuko dihang nakit-an sa otoridad nga dunay sumpak sud sa selda.
Taliwala sa operasyon, didto natigayon ang duguon nga kabuntagon sa City Jail ug giingon nga nahimo nga naabot nalang sa alas 3 sa hapon wala pa kapamahaw ang mga priso kay gitapok man sila sa ground aron i-clearing ang sulod sa selda.
Dungan niini, natigayon ang random drug testing sa mga inmates dayon migula nga siyam kanila nag-positibo ug duna pa'y laing usa nga gikonsiderang High Value Target (HVT) inmate gumikan usa ka provincial jail administrator sa Bureau of Jail Management and Penology (BJMP) sa Davao del Sur.
Ang mga kabanay sa upat ka inmates nga napatay pursigido nga mokiha sa mga hintungdang opisyal sa City Jail ug buot nilang sutaon unsay tinuod nga hitabo, tungod di sila katuo.
Apan bisan paman niini, ang otoridad andam mopagula og mga ebidensya ug uban pang mga pagpamatuod nga ang upat namusil sa kapulisan hinungdan nga tulo ka sakop sa Davao City Police Office (DCPO) ang nasamdan.
Kun namusil man ang mga inmates, nan problema karon sa warden sa Davao City Jail paunsa nila gibantayan ang mga dalaw nganong nakasulod man ang mga himan sa paghimo og sumpak ug bisan ang bala niini.
Unta mogawas ang kamatuoran sa hitabo pipila ka adlaw gikan karon ug manghinaut nga di unta lisuon kun unsay tinuod.