Duterte nituboy sa mga lokal nga kandidato

CEBU. President Rodrigo Duterte  ni-endorsar sa mga kandidato ng iyang suportahan karong umaabot nga eleksyon. (Allan Cuizon)
CEBU. President Rodrigo Duterte ni-endorsar sa mga kandidato ng iyang suportahan karong umaabot nga eleksyon. (Allan Cuizon)

GAWAS sa pag-proklamar ni Presidente Rodrigo Duterte sa iyang suportaran sa pagka-senador sa midterm eleksyon, nga maoy nag-una niini nga tuyo sa pagduaw sa Sugbo, Domingo sa gabii, Pebrero 24, iya usab gipang-isa ang mga kamot kon pag-endorsar kanila atol sa gihimo nga mga photo opportunity sa mga lokal nga kandidato dinhi sa Sugbo.

Nag-una kanila ang sa pagka-gobernador nga Representative Gwen Garcia, ug ang alang sa pagka-mayor ug bise mayor sa dakbayan sa Sugbo nga si Edgar Labella ug Michael Rama.

Human gyud dayon sa kapin duha ka sa oras nga pagdiskurso, pagpaila sa mga kandidato sa national nga iyang gi-endorso alang sa pagka-senador ug ang partylist, gihimo dayon ang mga photo opportunity uban ang pangulo.

Diin kon ang uban sa mga kandidato ang nagpa-picture lang uban sa pangulo ug sa mga senatoriables sa PDP-Laban ug uban sa mga alyansa ni Duterte, aduna gyud pipila ang gipang-isa ni Duterte ang mga kamot kon pagtuboy kanila diha sa ilang mga posisyon nga ilang gipangdaganan.

Nag-una niini si Garcia, kinsa magpapili pag-usab pagka-gobernador sa Sugbo, kontra sa incumbent nga bise gobernador Agnes Magpale.

Gani nibalik pa ang Presidente pag-estorya gamit ang michrophone, pagpahibalo sa iyang pagsuporta kang Garcia, ug nagpasalamat niini sa pagdala kaniya atol sa 2016 nga piniliay.

“Grupo mi. Si Gwen ako gyud ni suportahan...Silay nagdala nako dinhi sa Cebu. So salamat kaayo, mao ni,” giapas nga pamahayag ni Duterte, taliwala sa photo oppurtunity.

Gipang-isa usab niya ang mga kamot sa magpapili sa pagka- kongresista gikan sa Cebu City North ug South, Richard Yap ug Jocelyn Pesquera, ug tanan nga mga kongresista sa Probinsya sa Sugbo nga ubos sa One Cebu Party kansang National Party alliance mao ang PDP-Laban.

Sama nalang sa mga igsuon ni Garcia nga si Nelson Garcia, kinsa magpapili sa 7th District, Pablo John Garcia sa 3rd District, iyang son-in-law, Duke Frasco, alang sa 5th district, Talisay City Mayor ug buot mobalik sa Kongreso, Eduardo Gullas, alang sa 6th District, Emmarie ‘Lolypop’ Ouano-Dizon.

Anaa usab ang mamahimo nga bise gobernador ni Garcia, si Daphne Salimbangon.

Nihimo usab sa pag-isa si Duterte sa mga kamot Cebu City mayoral ug bise mayor, Edgardo Labella, Michael Rama, ug magpapili sa pagka-konsehal Antonio Cuenco.

Gawas sa pagpahulagway lang, giisa usab sa pangulo ang tuo nga kamot ni San Fernando Mayor Lakambini Reluya, gani nakig-estorya pa ang pangulo ngadto kang Reluya sa makadiyot sa stage.

Nakipaghulagway si Duterte ug PDP-Laban senatoriable ug Gwen Garcia sa mga magpapili pagka-mayor ug bise mayor sa una, ikaduha, tersiero, kwatro, singko, 6th district uban na ang sa dakbayan sa Lapu-lapu ug 7th District nga ubos sa One Cebu ug sa PDP-Laban.

Una na nga gipaila ni Duterte ang mga gisuportaran niya ang mga magpapili sa pagka-senador nga ubos sa PDP-Laban, ang adunay abbreviation nga MaBaGo Ko To, nga sila Zajid ‘Dong’ Mangidadatu, Bato Dela Rosa, Bong Go, Aquilino ‘Koko’ Martin Pimentel, Francisco Tolentino.

Lakip na usab ang ilang senatoriables guest candidate nga sila, Joseph Victor “ JV” Ejercito, Imee Marcos, Freddie Aguilar, Raffy Alunan ug Pia Cayetano ug Mocha Uson, kinsa magpapili pagka representative sa party-list sa AA-Kasosyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph