WALAY damgo nga imposible kung ubanan lang sa paningkamot. Walay pangandoy nga di matuman kung dili lang kini balewalaon.
Si Arthur Reyes, lumad nga taga probinsya sa Bohol apan dinhi nakakita og maayong oportunidad sa Misamis Oriental ang nidako ug nitapos sa pagtuon nga puno sa sakripisyo apan bugti niini mapasigarbuhon nga migradwar nga latin honor.
Nagtapos kini og Cum Laude sa Misamis Oriental Institute of Science and Technology (Moist) sa Balingasag, Misamis Oriental.
Apan sa wala pa niini nakab-ot ang titulo nga gakaibgan sa pipila ka mga tinun-an o ang maong talagsaong titulo sa usa ka tinun-an nga mitapos sa kolehiyo dili tiaw, dili sayon ang kapait nga nasinatian diha sa pagtungha hilabina nga si Arthur nagikan sa broken family.
“Most of us made our family as the source of inspiration. Family that shares with you both the ups and down, who is there to guide you to follow the right path, motivates you to aim for the best; who will ask you ‘Kumusta man imong pag-eskwela nak?’ But the reality, sakit sa akong part ang mabiyaan ug ginikanan,” matud ni Arthur.
Apan ang dili kumpleto nga pamilya wala nagpatandog kaniya nga magrebelde o dili tapuson iyang pangandoy nga molampos.
“Yes I am a product of broken family but somehow I didn’t think of it nga magrebelde or magbinuang sa pagskwela even mo engaged sa mga dautang buluhaton,” matud niini ug nisaysay nga naglisod na siya paggradwar sa high school tungod kay ang iyang inahan nga unta maoy iyang gisaligan nga mosuporta sa iyang pagtoun ang niundang na og suporta.
“Didto nawad-an nako og hope nga makahuman ko ug skwela. Even my father dili mi ginahatagan og allowance to the point nga kaming mga mag-igsuon mangalakal mi og plastic, lata, ug uban pa nga pwede mabaligya sa junkshop aron lang maka-kwarta naay pambalon ug pangpalit og project,” matud niini.
Apan sa tabang sa iyang maestra nga mitanyag kaniya nga mahimong personal assistant nakatapos siya sa high school nga nag-una sa klase taliwala pa man nga iyang gisakripisyo iyang relihiyon.
Sa wala pa mibiya sa Bohol, ang iyang uncle ug auntie nga anaa nakabasi sa lungsod sa Lagonglong Misamis Oriental, iyang giklaro kung andam ba magpapuyo ug mosuporta sa iyang pagtungha sa kolehiyo ug tungod kay mapasaligon kaayo nibiyahe paingon sa Misamis Oriental.
“That moment I said to myself that I will do my best, I will put more efforts and hardwork. I will balance my studies and obligation as a working student,” matud niini.
Sa pagtungha niya sa kolehiyo iyang mga ginikanan halos upat ka tuig wala nay kontakay kaniya.
Matud ni Arthur nga niadtong elementarya pa siya pangandoy niya nga mahimong usa ka police officer apan nausab pagka high school tungod kay bout nasab niyang mahimong business manager. Apan nausab nasab kay nangandoy siya nga mahimong chef hinungdan nagseryso gyod sa pagtoun isip HRM ug mao kini iyang natapos.
Apan kining tanan nga nakab-ot dili sab niya maangkon kung wala mipasar dihang niaplay sa scholarship program ni Governor Yevgeny Vincente Emano nga mao kining Iskolar Ko Ni Bambi (IKNB).
“I am proud to say that I am a successful product of this program. At first, I thought dili nako masulod ani nga programa given nga daghan pud applicants,” matud ni Arthur ug miingon nga tungod sa tabang niini nga programa nilampos siya sa pagtungha.
“With the support of this IKNB program I already finished my college journey with flying colors. I received the award for being the Cum Laude together with the service award and leadership award,” mapasigarbuhon nga pahayag niini.
Simple lang ang tambag ni Arthur ngadto sa 3,000 kapin ka mga iskolar nga mga estudyante gikan sa nagkalain laing lungsod sa probinsya sa Misamis Oriental dihang nihatag siya og testimonya sa iyang kinabuhi atol sa IKNB 12th general assembly niadtong Valentines Day.
“If you are wondering how I attain this success throughout my hardship in life I have two ingredients to share to you. First, sacrifice and second is hardwork,” matud niiini.
“Basta college student naka, temptation is always there so you must be motivated to finish what you need to finish. College life is not easy you need to exert more efforts on your studies or else you will get valentines remarks or incomplete on your grading sheet,” matud ni Arthur ug miingon nga susama kaniya nga gikan sa usa ka broken family unta ang mga kabatan-onan ampingan ang ilang pamilya karon nga anaa nagpaluyo ug nagsuporta kanila.
“While most of you have intact and supportive family. I would say guys treasure what you have right now because many children would want to be in your place and I am one of them,” matud niini.
Paborito sab ni Arthur ang panultihon gikan ni Mark Twain nga mao ang, “All we need in life is ignorance and confidence, then success is sure.”
Sa pagkakaron si Arthur nagtrabaho isip usa ka HR Officer/External Marketing Executive sa Stargate Dream Vacation Resort ug usa ka part time Instructor sa Moist. (SVB)