NAIGO ang nawong sa usa ka giingong lider sa New People’s Army (NPA) human sa engkwentro sa bukiran nga bahin taliwala sa lungsod sa Medina ug Macopa sa Talisayan, Misamis Oriental.
Si Col. Roy Derilo, commander sa 58th Infantry Battlaion, niingon nga naengkwentro sa tropa sa kasundalohan ang dili mominus 30 ka mga sakop sa NPA.
Dihang daghan na og samdan ang grupo mi-withdraw ug nabiyaan ang lima ka mga tag-as nga armas.
Nakuha gikan sa lugar sa nahitaboan ang patayng lawas sa NPA nga sa uwahi naila nga si Almonte Lindayo, 36, minyo, lumad nga taga Claveria, Misamis Oriental.
Giingong lider ug overseer kini sa PPH Platoon of Felot, SRC1 nga gipangulohan sa usa ka giilang Dallas.
Nasayran nga si Lindayao kanhi priso sa Misamis Oriental Provincial Jail.
“Our unrelentless operations in the remote areas are meant to drive the NPA terrorists away from communities so their imposition of permit-to-campaign and permit-to-win fees on candidates for the upcoming elections will be ineffective and useless,” matud ni Derilo.
Nihangyo usab kini sa walhong grupo nga ikanaog ilang mga nasamdang kauban tungod kay ang iyang mga sakop nga nakaengkwentro kanila ang siguradong pipila sa ilang grupo samaran ug posibleng makabsan na sab sa kinabuhi.
Ang patayng lawas sa NPA gikuha na karon sa iyang pamilya didto sa punerarya sa lungsod sa Talisayan kon diin gihatagan na usab og ayuda sa local nga kagamhanan. (SVB)