NAPILI si Patrick Cabahug isip representante sa Cebu City Sharks alang sa Maharlika Pilipinas Basketball League (MPBL) Datu Cup All-Star Game nga gikatakda karong Marso 2 sa Mall of Asia.
Ang kanhi sakop sa UV Baby Green Lancers maoy usa sa reserbang mga magduwua sa South division. Ang ubang mga reserba sa South mao sila si Basilan Steel guard Jojo Tangkay, Marco Balagtas sa Rizal Crusaders, Reed Juntilla sa Zamboanga, Ian Melencio sa Imus Bandera, Michael Mabulac sa Laguna Heroes, Paolo Castro sa ParaƱaque Patriots ug Chris Masaglang sa General Santos City Warriors.
Ang starters sa South mao sila si Allan Mangahas sa Muntinlupa Cagers, Gerald Anderson sa Marikina Shoemasters, Mark Yee sa Davao Occidental Tigers, Gab Banal sa Bacoor Strikers ug Jhaymo Eguilos sa Batangas City Athletics.
Ang starters sa North mao sila si Mike Ayonayon sa San Juan Knights, Gary David sa Bataan Risers, Mac Andaya sa Pasig Pirates, Aris Dionisio sa Manila Stars ug Cedric Ablaza of the Makati Super Crunch.
Ang mga reserba sa North mao sila si Paolo Hubalde sa Valenzuela Classic, Almond Vosotros sa Caloocan Supremos, Jay Collado sa Quezon City Capitals, Gian Abrigo sa Mandaluyong El Tigre, Jaypee Belencion sa Pasay Voyagers, JR Taganas sa Bulacan Kuyas, Levi Hernandez sa Pampanga Lanterns ug Marlon Gomez sa Navotas Clutch.
Ang tanang partisipanteng teams sa liga adunay representasyon sa All-Star Game.
Ang South ug North gitugotan nga makadugang og duha ka mga magduduwa pinaagi sa wildcard.
Napili sa North mao sila si Chris Bitoon sa Manila Stars ug Larry Rodriguez sa San Juan Knights samtang napili sa South mao sila si Leo Najorda sa Davao Occidental Tigers ug Jeff Viernes sa Batangas City Athletics. (ESL)