POLICE Regional Office 7 Director Debold Sinas dili mohatag pagtugot sa mga pulis sa lungsod sa Tuburan, nga nakapusil-patay sa ilang target sa buy-bust operation, nga ipatawag sa Commission on Human Rights (CHR) 7.
Matod ni General Sinas nga mahimong makaimbestigar ang CHR 7 sa mga personnel apan dili siya motugot nga ipa-summon kini.
Matod sa heneral nga lihitimo ang maong operation sa dihang napusilan sa iyang sakop ang suspek nga gidala sa tambalanan ug wala na sila'y labot kon unsa na'y nahitabo niini sa sulod sa ospital.
Kon ang CHR 7 mohimo og imbestigasyon sa pulis, awhag ni General Sinas nga apilon sad nila og imbestigar ang tambalanan.