Benepisyaryo sa 4Ps dili magpailad karong eleksyon

GIPAHIMANGNOAN karon sa Department of Social Welfare and Development (DSWD) 7 ang tanang benepisyaryo sa Pantawid Pamilyang Pilipino Program (4Ps) nga di magpadala sa mga politiko ug mga managan karong umaabot mid-term elections.

Matod sa regional director sa DSWD 7 Rebecca Geamala nga aduna’y gawasnon nga pagbuot ang tanang benepisyaryo kon kinsa ang ilahang gustong botaran apan nipahimangno kini sa umaabot nga piniliay.

“They are encouraged to exercise their right to vote and protect its secrecy and sanctity as the future of the community and the nation depends on this,” matod ni Geamala.

Dugang niini nga aduna’y katungod ang matag benepisyaryo nga mopili sa kinsa ang gituohan niini nga makapaayo sa kadaghanan.

Giklaro usab ni Geamala nga wala giagi sa bisan kinsa nga lokal nga opisyal o buhatan ang programa sa DSWD “We would also like to clarify that DSWD programs and services are not directly or indirectly coursed through local officials or their offices.” Padayon ang kampanya sa ahensiya kabahin niini mga aduna’y kalambigitan sa eleksyon pinaagi sa ilahang binuwan nga Family Development Session (FDS).

Nipahimangno usab kini sa mga benepisyaryo nga dili motuo sa mga politiko nga gihulga sila nga mawagtang sa lista kon dili mobotar kanila tungod kay dili kini tinuod.

“Again, it is only the DSWD that can recommend additional beneficiaries to the program based on the Listahanan database and as of now we do not have expansion of the program. There is no additional 4Ps beneficiaries since the moratorium issued in 2016 has not been lifted yet. And a 4Ps household can only be removed from the program if it does not comply with the program conditions or does not have children eligible for monitoring,” matod ni Geamala.

Lakip nga dili mamahimong gamiton ang 4Ps isip pangdani sa piniliay kining mga personnel sa DSWD, City ug Municipal Links nga ubos sa Civil Service.

Ang 4Ps programa sa national government alang sa mga kabus diin naghatag kini og health grant nga00 P500 ug educational grants nga tag P300 ug P500 sa mga nagpangedaron og 18-anyos ug paubos.