LALAKI nga nakig-inum sa iyang mga higala sa gawas sa panimay ang gipusil-patay, Huwebes pasado alas kuatro sa kaadlawon, Pebrero 28.
Ang biktima giila nga si Glenn Bayno Llanes, 41 anyos taga Espina compound, barangay Tipolo sa dakbayan sa Mandaue.
Sa inisyal nga pakisusi sa kapulisan ang biktima nga si Llanes ang ang nakiginum sa gawas sa panimay sa iyang higala diha ra duol sa ilaha ra usab.
Sa dihang alas 4:37 sa kaadlawon giingon nga mga lalaki nga naka-motirsiklo nga niagi sa ilang tungod ang kalit nga namusil kang Llanes sa makadaghan nga higayon.
Dali nga nakasibat ang mga mamumuno ug dali unta usa gidala sa tambalanan ang biktima diin kini gideklarar nga dead on arrival.
Nakuha sa kapulisa sa crime scene ang usa ka empty shell ug usa ka slug sa bala nga gituohan nga iya sa.45 caliber pistol.
Padayon pa sa gihimo nga pakisusi ang kapulisan sa pag-ila sa mga suspetsado ug motibo sa gihimo nga pagpamusil-patay.