PLANO karon sa Cagayan de Oro Press Club (COPC) president nga limpyuhon ang listahan sa mga membro sa organisasyon.
Kini ang gibutyag ni Richie Salloman, kinsa presidente sa COPC.
Aminado kini nga daghang miyembro sa organisasyon karon nga walay insaktong outlet.
“There are those on the list nga walay outlet ug mao na akong plans to cleansed the membership. We will delete and trim down kay if ang member 150 posibleng mabilin 80 nalang,” butyag niini ug miaghat niadtong lehitimong mga magsisibya nga anaa karon sa trabaho nga moapil.
Giangkon sab niini nga si Jigs Padua, kinsa bag-o lang nasikop tungod sa kasong cyber libel ug anaa karon sa prisuhan ang walay outlet ug ang sinulat niini dinha lang niini ipost sa iyang social media.
Isip presidente sa organisasyon dili niya itolerate kini nga praktis.
“We do not tolerate such kind of practice you know in journalism, Jigs Padua may write something in the social media, busa na cyber libel ni siya,” matud ni Salloman ug miingon nga kung naprint kini posibleng libel ang atubangon niini apan kay social media man niini gipost ang sinulat hinungdan nga na cyber libel.
“We look at it at a point where there was really an abused being a journalist in the way he wrote the story and I was also told it was a harassment on the part of the teachers,” matud niini.
Gipasabot sab ni Salloman nga ang COPC tungod kay miyembro man sab kini nagkasabot nga mag-amota na lamang aron makatabang sa piyansa niini, samtang siya sab personal nga kwarta niya iyang itunol aron makatabang apan giklarong dili kuhaan ang panudlanan sa organisasyon.