GIKONSIDERANG “gift” sa representante sa Bureau of Fire Protection (BFP)- Northern Mindanao ang salmotan nga beauty pageant karong umaabot nga Marso 13, sa Quirino Grand stand sa Rizal park, Manila.
Ang maanyag, sexy ug palaban nga single mom nga si Fire Officer 1 Angel Carbajal maoy pambato sa Northern Mindanao alang sa indigay nga ipahigayon matag tuig ilabi na ang National Fire Olympic (NFO) 2019.
Si Carbajal nigradwar sa kurso nga Bachelor of Science in Nursing sa Capitol University, niadtong tuig 2012, ug namahimonng Miss CdeO 2011 ug nakasulod sa BFP sa tuig 2014. Kini nga kalihokan ika-lima na ka tuig matud nga NFO diin magtigi ang anaa sa mga 16 ka Rehiyon.
Matud ni Carbajal nga ang kamatuoran niini nga taod taod na siya nga wala nisalmot sa beauty pageant ug gani first and last ang Miss CdeO 2011.
Giingong usa kini ka organizer sa Regional Fire Olympics (RFO) diin mao kini ang nag-organisa apan ang nidaug sa RFO naminyo ug namabdos na hinungdan na usab nga gawas nga wala kini mahimo pangandoy usab niini ug gikonsiderang oportunidad nga makasalmot sa national pageant.
“Ang nahitabo last year naminyo na siya last January, naburos na dayon siya karon, our Regional Director said that it’s very time consuming na mag screening and appoint na yan diretso, the Office of Regional Director (ORD) mga staff nagdecide sila siguro they knew that I have a background sa pageant before, formerly man gud ko nga Miss CdeO 2011,” matud ni Carbajal.
Dako usab ang kagustohan niini diha sa paghatag gahum sa mga kababayen-an pinaagi na usab sa relihiyosong kalihokan ug usa kini ka Fitness and Health Enthusiast.
“I'm a Fitness and Health Enthusiast teaming up with Equilibrium Fitness Center, and passionate about empowering women through my Radical Church Community,” saysay ni Carbajal.
Alang niini nga kini usa ka regalo ilabi na nga pangandoy niini nga mamahimong makasalmot sa national nga mga pageant hinungdan nga andam kini ug excited usab sa maong kalihokan.
“I consider this pageant a gift because I've always had a desire to compete to the nationals however single moms are not usually welcomed, and so this Mr. and Ms. NFO is the opportunity for that desire to be fulfilled,” pahayag niini.
Nagpasalamat usab kini tungod kay daghang mga local designers ug local make-up artist nga mga competitive.
“I think preparation wise blessed lang gyud ta no sa Cagayan kay daghan kaayo tag local designers, local hair make-up artist nga very very competitive not just nationally but internationally,” Carbajal.
Nasayran nga ang kauban niini mao si FO1 Mariel Jose Bullecer, 24, kanhi usab model sa mga collection sa usa ka iladong fashion designer sa siyudad sama ni Gil Macaibay III.
Ang maong pageant magtigi diha sa production number, sports attire, regional attire nga kuyamis inspired ni Jiejie Aisa ug long gown ug modern barong ni Juniel Doring.
Nag-aghat usab kini sa suporta sa mga Kagay-anon ug kasikbit nga dapit nga suportahan sila pinaagi sa pag-abli sa 5th Mr. and Ms. National Fire Olympics 2019 Facebook page ug e-like ug e-share ilahang mga pictures sa https://m.facebook.com/story.php?story_fbid=342304923043268&id=330374524236308 ug https://m.facebook.com/story.php?story_fbid=342305266376567&id=330374524236308. (KCS)