NANAWAGAN karon ang Department of Information and Communications Technology (Dict) kalabot niining ‘Momo challenge’ sa social media site kon diin naghatag og peligro sa mga kabataan nga gapanan-aw niini.
Gihangyo ni Director Allan Cabanlong ang Executive Director sa Dict's Cybercrime Investigation and Coordination Center (CICC) ang katawhan labina sa mga ginikanan nga magbinantayon sa ilang mga anak nga mahilig magdula og computer games.
“Ang Momo challenge isang game ito na inuutusan na mag complete ng 50 task at isa doon sa mga task niya sa last task ay utusan siyang magpapakamatay siya gaya ng paglaslas ng katawan, yon ang nangyayari sa momo challenge app nato at nagging biktima nito ay ang mga bata,” matud ni Cabanlong.
Gibutyag sab niini nga kini nga application mahimong ma-download ug lisod gyod sa pagmonitor kay adunay privacy tali sa user ug sa momo nga maoy mohatag og task kaniya.
“Ang challenge dito ay nadodownload at nag-uusap ang user kaya medyo mahirap ang pagmonitor kasi may privacy, isa itong malaking issue sa pag-aaruga sa mga parents,” matud niini ug midugang nga ang namatay nag-edad og 11 anyos kon diin sa maong pangidaron pwede pa kaayo nga masugo.
“Ang namatay is 11 years old, sa edad na ito hindi pa masyadong alam kung anong kahihinatnan nito. I will follow my master, I will kill, may mag command sa kanila at kapag hindi magagawa ang task I threatened na papatayin ang parents at kung ano-ano pa kaya more on psychological siya,” dugang niini.
Dako ang pagtuo ni Cabanlong nga ang mga ginikanan maoy bugtong nga makamonitor matag karon ug unya sa ilang mga anak ug paglikay sa pagamit niini.
“I believe what we can do is monitoring their children what they are doing. Paano ang responsible usage ng mga application at iiwasan natin ito,” dugang niini ug miingon nga mapaubsan lamang kini nga mga hulga kon maedukar ang mga ginikanan ug ma-aware ug malikayan kining mga pagpakamatay.
Dugang ni Cabanlong nga unang biktima niini natigayon didto sa nasud sa Russia ug karon gimonitor pag-ayo sa ilang buhatan ang posibleng pagsulod niini dinhi sa nasod sa Pilipinas ug gipangita ang ugat niining tanan.