Kaso sa Cagayan de Oro mayor gibasura

KALAMPOSAN alang sa kampo ni Cagayan de Oro Mayor Oscar Moreno ang pagbasura sa kasong kriminal sa Ajinomoto case human nga nadawat ang desisyon gikan sa Ombudsman niadtong Pebrero 20.

Gipasakaan kini og kaso human nga nisulod og kasabotan nga wala kini panugot sa konseho sa siyudad dihang gitugotan ang Ajinomoto sa pagbayad og P300 mil gikan sa orihinal nga local business tax deficiency nga P2.9 milyones.

Matud ni Atty. Dale Mordeno, abogado ni Moreno, atol sa press conference nga gipahigayon sa opisina sa mayor nga ang kaso niini sa Ajinomoto settlement agreement kini ug kinahanglan nga naay kontrata nga kinahanglan ang panugot sa City Council, apan sa bag-ong desisyon giigong kontrata kini diin wala nagmugna og obligasiyon diin dili na kinahanglan og panugot sa City Council.

“Naa na’y old obligation ba ang tax payer only lang wala gyud natuman ang old obligation kay niabot sila sa korte unya nag agree sila nga mao nalang na ang bayran instead of the assessment nga gi question sa taxpayer,” matud ni Mordeno.

“Mao na ang usa namo nga depensa nga dili na pwedi hilabtan, dili na pwedi nga moagi og City Council kay korte man ni nga order at least na vindicate mi dinhi kay gi-affirm ang among position, daghan na kaayo ang na dismissed, puros ra gyud na tumo-tumo mao bitaw hag-as man ni makadaog kung sayop pa ta,” dugang niini.

Mapasalamaton usab si Moreno ug dakong kadaogan kini alang kaniya ug nagpasalamaton kini tungod kay nagpatigbabaw pa gihapon ang hustisya.

“Pasalamat ko sa most recent development, this is certainly a very important victory, pasalamat sa kahitas-an niini, of course in the end justice still prevails,” matud ni Moreno.

Gidugang pa ni Moreno nga unta iya kining isyu batok sa kanhi namunoan sa siyudad gumikan kay na-alkanse ang siyudad tungod sa kahuyang sa koleksiyon.

“Dapat ako ning isyu against them nga na alkanse ang siyudad tungod sa ilang weakness sa collection,”dugang niini.

“Usa ra man na sila nga grupo,mao ra na Guilani,Nuñez ug Akut mao ra na usa ra na ka grupo Dongkoy ug Bambi na ila na, the dogs of war of Dongkoy and Bambi, pero siyempre lugar atong atubangon,”matud ni Moreno.

Samtang gibutyag usab ni Guilani nga dili matud kini ang iyag gipasaka nga kaso tungod kay buot lamang niini nga matangtang si Moreno.

“Wala koy tuyo parte sa kriminal kay Moreno wala koy intention na ipa priso si Moreno, ang ako lang intensyon kay Moreno ipapakanaog lang siya sa pagkamayor, ipa dismissed aron nga maundangan na ang korapisyon sa city hall,” matud ni Guilani.

Nasayran sa 13 ka pahina nigawas ang desisyon diin nagaingon nga “The findings of probable cause are dismissed against Oscar S. Moreno and Glenn C. Banez.”

Gisaysay usab sa maong desisyon nga ang maong kasabotan tali sa Ajinomoto ug ni Moreno lakip na ni Bañez nga dili na kinahanglan pa ang panugot sa City Council. (KCS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph