SECTIONS
Monday, August 26, 2019
SUPERBALITA CAGAYAN DE ORO

Napthali tribes imbestigahan

KAPIN usa ka gatos nga membro sa usa ka kapungongan ang imbestigahan sa Konseho sa siyudad, human gireklamo nga nangolekta og kantidad bugti sa balay ug yuta.

Ang Native Authentic Philippine History Tallano Ancestral Land (Naphtali) giingong nagtanyag og balay ug yuta ingon man panginabuhian diin ang magpamembro kolektahan og P400 nga refundable aron e-proseso sa identification (ID) ug t-shirt.

Usa ka personahe ang nidangop kang Kagawad Reuben Daba niingon nga nakahatag siya og P400 apan human nakuha ang kwarta wala na nagpakita ang giingong founder niini.

“Na-recruit gyud mi kibale kay ang amo man gud gi-apas ana kay naay balay nga P2.8 million unya murag kinahanglan man gyud namo, so nag-apply gyud mi sa ilaha,” matud sa mireklamo.

Gidugang pa nga ang hangyo lamang niini nga mabalik ang maong mga salapi nga nakolekta nga anaa na sa 151 ka membro sa dapit lamang niini aron nga dili na kini mapangitaan sa mga nakahatag na sa ilang P400.

“Amo nga ma refund man lang para di na mi ma blame sa tao,i-uli lang, ibalik lang kay agpangitaan mi sa tao,” dugang niini.

Giingong ang pasalig nga gawas nga mahibalik kanila ang P400 duna pa silay ID ug t-shirt nga ihatag.

Samtang gibutyag ni Daba nga angayang masayod ang katawhan sa kamatuoran.

“Kung dili man gale tinuod atong undangon pero kung tinuod tabangan nato kinsa man ang di ganahan anang tagaan ta og P2.8 million pero ang ako lang ana bottom line lang is it’s too good to be true, so kinahanglan ipa-stop na, pobre pa ta sa tanan unya ilaron pata gyud,” matud niini.

Anaa na sa dul-an P70,000 ang nakolekta ug nahatag na niini ngadto sa giingong suspetsado nga dili na mahagilap karong mga panahona.

Buot sa lokal nga kagamhanan sa siyudad nga paimbestigahan kini tungod kay ubay-ubay na ka mga pagpangilad ang nahitabo dinhi sa siyudad ug sa Misamis Orinetal ug angayang moduol ngadto kanila aron nga matigom ang mga reklamo kung ugaling duna pa man, ilabi na sa siyudad sa Cagayan de Oro.

Naghangyo usab kini sa katawhan nga dili dayon motuo sa mga pasalig ilabi na nga ang mga pabahay program gikan sa gobyerno nga duna kini proseso ug dili kini mo-agi sa bisan kinsa na lamang nga indibidwal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph