Pahimangno kabahin sa Momo Challenge

Tungod sa nagkasikat nga Momo Challenge nga magdani sa mga bata nga mag-suicide, gi-awhag karon sa usa ka psychiatrist nga i-apil sa curriculum ang mental health.
Tungod sa nagkasikat nga Momo Challenge nga magdani sa mga bata nga mag-suicide, gi-awhag karon sa usa ka psychiatrist nga i-apil sa curriculum ang mental health.

KARON nga aduna’y hulga sa mga bata nga hilig sa makabag-o nga teknolohiya, aduna’y awhag ang usa ka sikat nga psychiatrist sa Sugbo sa Department of Education.

Trending karon sa social media ang Momo Challenge diin target niini ang mga bata nga hilig og makabag-o nga teknolohiya.

Nagkadaiyang mga bata na ang gikatahong naghikog sa mga nasod sa Argentina, Colombia, ug France human miduwa sa maong challenge.

Ang Momo Challenge usa kini ka suicide game sa application nga Whatsapp diin target niini ang mga bata.

Matod ni Dr. Rene Obra, psychiatrist ug pangu sa Center for Behavioral Sciences (CBS) sa Vicente Sotto Memorial Medical Center (VSMMC), nga tungod kay dali ma-brainwash ang bata, hinungdan nga usa kini sa rason nga maghikog kini.

Usa sa awhag ni Obra sa DepEd nga isukip na ang psychological ug mental health sa curriculum sa nursery o sa elementarya.

“As early as possible, addressing this to the DepEd, incorporate ang psychological or mental health sa students. Ang mga bata dali ma brainwash to the extend nga himuon nila ang against sa normal practice,” matod ni Obra nga dapat dili pakupton on bisan unsa nga gadget ang bata kon nagpangedaron pa kini og 2-anyos paubos.

Ug giyahan kini kon pakupton sa ginikanan og makabag-o nga teknolohiya susama sa smartphones.

Gihulagway usab niini nga sa unang upat ka tuig sa usa ka tawo mao kini ang crucial nga foundation stage.

Gitataw usab ni Obra nga tungod kay grabe mogamit og social media ug gadgets ang Pinoy, dako ang posibilidad nga dali mokatap ning challenge sa nasod.

Dugang niini nga usa ka adiksyon kining grabe paggamit sa internet, hinungdan nga giyahan gyud sa ginikanan ang mga bata aron dili mahitabo ang nahitabo sa laing nasod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph