SUPERBALITA CEBU

‘Bombero sa Barangay’ gilusad atol sa Fire Prevention Month

CEBU. Mga fire trucks, rescue, ug ambulansya sa Bureau of Fire Protection- Central Visayas nagmotorkada atol sa pagabli sa Fire Prevention Month sa kadalanan sa syudad sa Sugbo, Biyernes sa buntag, Marso 1. (Amper Campaña)

NAGMOTORKADA ang kapin sa napulo ka mga fire truck, rescue, ug ambulansya sa Bureau of Fire Protection (BFP)-Central Visayas atol sa pagbukas sa Fire Prevention Month sa dagko nga dalan sa dakbayan sa Sugbo, Biyernes sa buntag, Marso 1.

Usa sa mga nag-una nga programa nga gilusad sa BFP mao ang “Bombero sa Barangay.”

Kini aron mas mapahinumduman ang publiko sa mga pamaagi nga malikayan ang sunog, human nitaas og 82 porsyento ang gidaghanon sa sunog ning tuiga sa Central Visayas gikan sa 55 porsyento sa niaging tuig.

Gawas niini, nihimo usab sila og Unity Walk, sa kaadlawon, gisundan sa pagpahigayon sa Santos nga misa ug pagpanghatag sa mga safety tips flyers, ug ang firefighting capabilities exhibit.

Pasiuna lang kini sa ilang himuon nga mga programa ning pagsaulog sa Fire Prevention Month, nga adunay tema nga, “Ligtas na Pilipinas ating Kamtin, Bawat Pamilya ay Sanayin, Kaalaman sa Sunog ay Palawakin.”

Kini sab aron mahingusgan ang pagpanginlabot sa komunidad, hinungdan nga ila usab gilusad ang Bombero sa Barangay.

Gipasabot ni Senior Superintendent Gilbert Dolot, BFP-Central Visayas director, nga sa matag barangay, aduna silay i-assign nga mga bombero nga maoy makigtagbo sa mga barangay opisyal, aron sa pagsuta kon unsay problema ug posible nga solusyon aron malikayan ang sunog.

Dugang ni Dolot nga mismo ang kada sitio o purok ang ilang pasutaon sa problema ug ang paghimo sa fire safety plan sa lugar, aron mas dali kanila ang pagpatuman, tinabangan usab sa kabomberuhan.

Lakip sa hingusgan, dili lang ang pag-inspection sa mga business establishment, kundi ning tungura ang mga balay, human nga nag-una nga nasuta nga hinungdan sa sunog ang kalabot sa problema sa electrical wiring, mga nag-overloading, ang ilegal nga nikabit o nikuha og kuryente sa mga poste o sa silingan, ug ang paggamit sa mga substandard nga electrical wire ug mga appliances.

Dugang niini ang mga nabyaan nga giluto ug paggamit og alternatibo nga suga sama sa kandila.

“To address the problem, we engage the community through a partnership, dito sa aming programa ‘Oplan ligtas na pamayanan’ para magawan ng plano with the community making their own plans paano nila i-evacuate ang mga tao, paano nila i-prevent ang sunog, paano sila mag-react kon may sunog, sino ang initially fire fighter, mayron tayong first line of defense, lalo na sila yung andun sa mismo sa lugar diin nagsimula ang sunog,” miingon si Dolot.

“We are hoping with this program, cooperation of the local government units, other stakeholders, maibababa natin ang mga number of sunog, we are looking for two percent decrease every year, while we have this continuing growing population, at lumalaki ang mga negosyo,” pagpasabot ni Dolot.

Karon aduna nay natala nga 100 nga sunog ang structural fire, diin unom gyud ka mga kinabuhi ang nakalas, samtang sa niagi nga tuig, walay namatay.

Kasagaran sa mga sunog nahitabo sa mga dakbayan sa Sugbo, Mandaue, ug sa Lapu-Lapu.

Hinungdan nga tinguha nila nga mas magtinabangay usab ang lokal nga kagamhanan, alang sa posible nga paghimo og mga ordinansa, kalabot sa fire safety.

“Fire prevention is a whole year activity, not just during the month of March. We just highlighted March pero buong taon dapat aware tayo na pwede mangyari ang sunog anytime, kung magpabaya tayo,” matod ni Dolot.

“So ngayon, meron ng caretaker na bombero ang every community, especially the vulnerable areas, assigned fireman to look after the fire safety concerns of the community. Hopefully bababa na, year after year, kasi ang hirap baguhin nung pananaw na hindi naman kami masusunugan, hindi pa naman kami minsan nasunugan,” dugang ni Dolot.

Tinguha usab nila nga makapasabot sa mga bata diha sa mga tunghaan ug bisan na sa mga out-of-school youth, kalabot sa kamahinungdanon nga pagtabang aron dili mamahimo nga hinungdan sa sunog ug mga paagi nga dili sila madisgrasya kon ugaling dili kalikayan nga adunay mahitabo nga sunog. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph